1 Star2 Stars3 Stars4 Stars5 Stars (3 оценок, среднее: 4,33 out of 5)
Загрузка...
192 просмотров

Халадаай — саха мааны таҥаһа

Күөх МААЙЫ көрсө «Үлэ киһитин уруйдуу» бырааһынньыктааҕы кэнсиэр сүрүн киэргэтиитэ уран тарбахтаах иистэнньэҥ кийииппит Эльвира Багдалысова тикпит кэрэ халадаайдара буолла. Лотереяҕа сүүйбүт Далбар хотуттар сыанаҕа тахсан халадаайдарын көрдөрөннөр дьон сүргэтин көтөхтүлэр. Эльвира тикпит 27 кыраһыабай саха мааны халадаайа бу аҥардас биир нэһилиэккэ баар эбит. Кийииппитигэр өссө да айымньылаах үлэни, дьолу-соргуну, доруобуйаны баҕарабыт.Өбүгэлэрбит тупсаҕай таҥастарын тигэҥҥин норуот үтүө үгэһин, төрүт култуураны тарҕатааччы буолаҥҥын кэрэ аҥардары куруук үөрдэ сырыт.Уйгулаах Ыһыаҕы көрсө кэрэ халадаайдарыҥ өссө киэркэйдинэр!

 

Халадаай.

Сахам кыыһа киэргэнэн,
Имэ кыыһан,тэтэрэн,
Халадаайа тэлээрэр,
Дьиэрэҥкэйэ элээрэр.

Симэх оттуу симэнэн,
Сэмэй-нарын кыргыттар,
Кырдал сири киэргэтэн,
Сибэккигэ тэҥнээхтэр.

Сайар сырдык мичээрдэр,
Сайбалдьыһа сырсаллар,
Дьиэрэһитэ ыллыыллар,
Эһиэкэйдээн ылаллар.

Халадаайдар көтөллөр,
Сөрүүн тыаллыын сырсаллар,
Долгун буолан усталлар
Лыахтыы үргэн дайаллар,

Халадаайы хайгыыбын,
Киэҥин-куоҥун таптыыбын,
Куйаас күҥҥэ сөрүүнүн,
Көстүүлүүн да кэрэтин.

Саха мааны таҥаһа
Сахам кыыһын тупсарар,
Ханна баҕар батыһа,
Харах бары хатанар.

21.06.2019
Татыйык Мыла.

Добавить комментарий

Ваш адрес email не будет опубликован. Обязательные поля помечены *