САССР өрөгөйдөөх 100 сылыгар аналлаах тапталлаах Cахабыт сирин өлбөт-сүппэт историятыттан нэһилиэкпит иһинэн үс көлүөнэнэн күрэхтэһии «Поле чудес» оонньуу быраабылатынан ыытылынна. Оскуолабыт 9-10 кылааһын оҕолоро Дариана Захарова, Айтал Попов, Ангелина Попова бастакы көлүөнэҕэ киирэн күрэхтэстилэр. Ыччаттартан Лилиана Макарова, Евгений Саввин, Элеонора Сивцева кытыннылар. Үһүс көлүөнэҕэ киирдилэр Мария Семеновна Попова, Александр Алексеевич Пономарев, Евдокия Николаевна Акимова.

Бастакы үс түһүмэххэ кыайыылаахтар А.Попов, Е.Саввин, Е.Акимова. Финалга кыайыылаах Е.Н.Акимова буолла. Кини супер играҕа оонньоон бэриллибит үс ыйытыктан иккитигэр сөпкө эппиэттээн бастакы оонньуу-күрэхтэһии Кыайыылааҕынан буолла. Оонньооччулар киэҥ билиилээхтэрин көрдөрдүлэр.

Улахан махталбытын тиэрдэбит күндү оонньооччуларбытыгар!