Арылы: Быстыбыт дьылҕа

 

Уот сэрии уорааннаах сыллара…

Бэбиэскэ туппута эдэр уол,

Уолугар тэбиэлиир сүрэҕин

Баайыытын сүөрбүтэ тапталга.

 

Эдэркээн доҕорун көрсүһэн

Илииттэн сиэттиһэ хампыта,

Иитиэхтээн сылдьыбыт иэйиитин

Эрэнэ киниэхэ аспыта.

 

Уол.

Сэгэриэм мин туттум бэбиэскэ

Күн сарсын аттанным сэриигэ,

Сүрэхпэр бу ииппит иэйиибин

Кэпсэлин,аһабын эйиэхэ.

 

Кыыс.

 

Өөр да өр күүппүтүм бу күнү

Сүрэҕим битигир тэптэҕиэн,

Сүүрүктүү кутуллар көмүскэм

Өстөөҕү суоһарсар күүстэннин.

 

Уол.

Ытаама доҕоччуок ытаама

Эргиллиэм өстөөҕү өһөрөн,

Ыал буолан алаһа тэринэн

Эбэһээт олоруом алааспар.

 

Кыыс.

Тапталбыт иннигэр күнчэниэм

Сэрии уор да тыынын уйуоҕум,

Тапталлаах дойдугар,миэхэҕэ

Соргулаах кэлэргин кэтэһиэм.

 

Уол.

Кэтэһээр Сардаанаам кэтэһээр

Хайаан да эргиллиэм эн эрэн

Көр аны бөҕөхпүн ээ мантыҥ

Хойутаан билиммит тапталтан.

 

Алааһын,доҕорун хаалларан

Барбыта эдэркээн оҕочоос

Букатын төннүбэт дьылҕалаах

Аартык суол бурҕаатын көтүтэ.

 

Туппута эдэркээн сүрэхчээн

Үс муннук кутурҕан суругун,

«…Сураҕа суох сүттэ доҕоруҥ

Үлүгэр охсуһуу быыһыгар…»

 

Кыыс.

Ыый,ыыйбыан,аай аайбыан абатыан

Хараҕым дьүккэтэ киһибин,

Харайан бардаҕа бу сэрии

Ырыалаах ырабын быстаҕыан….

 

Ийэ сир бэл тэҥҥэ ытаһан

Этиҥэ ньиргиччи дапсыйта,

Энэлгэн ытабыл быыһыгар

Иҥиэттэ ардаҕын куппута.

 

Өрөгөй былааҕа күөрэйэ

Өһөх хаан өҥүнэн кытарта,

Бу сүҥкэн кыайыыны уруйду

Барыбыт сүрэхпит тэппитэ.

 

Уот сэрии кудулу байҕалын

Оргуйар үөһүгэр сүппүттэр,

Улуукан ааттара ааттанан

Олоххо төннөллөр күн бүгүн.

 

Арылы.

09.05.2022.
Дьохсоҕон.»Куорсун» айар түмсүү.