1 Star2 Stars3 Stars4 Stars5 Stars (3 оценок, среднее: 4,33 out of 5)
Загрузка...
139 просмотров

Раиса Игнатьева саҥа хоһооно.

Ытыктабыл. Кыайыы күнэ.

 

Барҕа махтал, эһиэхэ сүгүрүйэн туран

Кыайыыны сэриигэ уһансыбыттарга,

Дьоллоох олоҕу эдэр көлүөнэҕэ

Удьуордаргытыгар бэлэхтээбиккэ!

 

Сүрэхпит сылааһын эһиэхэ аныыбыт

Олохторун толук уурбуттарга,

Төбөбүтүн төҥкөтөн иһийэн

Анабыл  мүнүүтэҕэ соҥуора сөҥөбүт…

 

Биһиги дьоллоох олохпут туһугар

Уоттаах сэриини түөскүтүнэн тыыран,

Өстөөҕү өһөрөн эргиллэн кэлбиккит

Төрөөбүт дойдугутугар,алааскытыгар.

 

Махтанабыт бары саха дьахталларыгар

Суту-курааны үлэнэн кыайбыттарга,

Кэккэ сэриигэ сылдьыбыттардыын

Тыылга тэҥҥэ  үлэлээбиттэргэ.

 

Кыайыы өрөгөй эйэлээх былааҕын

Өрө тутан дьоһуннук хаамабыт,

Ааккытын ааттааммыт уруй этэбит

Салют арааһын ытаммыт чиэстиибит.

 

Улуу Кыайыы ытык күнүн уруйдаан

Эйэ холуубун үөһэ көтүтүөҕүҥ,

Көй халлааҥҥа уйдара тэлээрдэн

Саҥаны,кэрэни түстэһиэҕиҥ.

 

Уруй-айхал этэбит

Саха чулуу дьонугар!

Үйэлэргэ Албан аат

Өлүүнү кыайбыттарга!

 

Р.Игнатьева.Дьохсоҕон

«Куорсун»айар түмсүү.

09.05.2022.

Добавить комментарий

Ваш адрес email не будет опубликован. Обязательные поля помечены *