«Удьуор үлэһит Дьохсоҕон Саабыннара» ахтыылар.Кинигэни хомуйан оҥорбуттар Л.ААввакумова, И.И.Саввин, М.И.Слепцова. Кинигэҕэ биир дойдулаахтарбыт күргүөмнээх үлэлэээх бырааттыы Саабыннар тустарынан кэпсэнэр.Холхуос,сопхуос,коммунист партия салайар кэмигэр күүрээннээх үлэни көрдөрбүт олохторун үлэҕэ анаабыт ини-биилэр үлэлэрин,олохторун туһунан чугас дьонун,үөлээннээхтэрин ахтыылара киирбиттэр.Бары талбыт курдук чулуу механизатордар, рационализатордар, булчуттар, дьоҥҥо наар үтүөнү эрэ оҥорбуттар,элбэх киһини дьиэлээбиттэр,сэмэйдэр,оҕомсохтор,илии күүстээх үлэтин үлэлиир дьон буолан, сымыйаны, албыны утараллар,өйдөрүн-санааларын үлэҕэ эрэ ууран элбэҕи ситистэхтэрэ.Аҕаларын Лэгэнтэйи,ийэлэрин Маайаны батаннар сылайар диэни билбэт үлэһит дьоннор.Төрөппүттэрин олоҕун салҕааннар уолаттара,кыыстара-үлэнэн ситиһиилэнэн хайҕанан,үлэттэн дьоллорун буланнар,аҕаларын-ийэлэрин ааттатар элбэх кэнчээри ыччаттанан төрөппүттэрин үйэтитэр кинигэлэрэ.Бу кинигэни библиотекаҕа көрүөххүтүн, уларсан ааҕыаххытын син. Кинигэ 160 страницалаах, үйэлэргэ сүппэт элбэх хаартыскалардаах.

Кинигэ бастакы баһа: Үтүө дьоммут төрөппүттэрбит.Саабыннар төрүттэрин туһунан.

Иккис баһа: тимир көлөнү баһылаабыт ходуһа хоһууннара, үлэһит удьуор бырааттыы Саабыннар.Бииргэ төрөөбүттэр тустарынан истиҥ-иһирэх чахчылары ааҕыаххыт.

Үһүс баһа:үлэһит династия Саабыннар ааттара үйэлэргэ умнуллубат.Манна ийэлэрэ Мария Николаевна муспут архыыбын ааҕыаххыт.

Кинигэни нэһилиэк олохтоохторо уларсан ааҕыҥ,оскуолаҕа кыраайы үөрэтэр кылаас чаастарыгар туһанаргытыгар сүбэлиибин.