1 Star2 Stars3 Stars4 Stars5 Stars (2 оценок, среднее: 5,00 out of 5)
Загрузка...
140 просмотров

«Тобуруокап көмүс күһүнэ»

Тобуруокап күһүнэ

Тобуруокап күһүнэ
Толбоннура кыыһыыта,
Тобуллаҕас тыл топ топ
Тобугуруу кутуллар.

Тохтоо күлүм Оо,түгэн
Көмүс кыырпах ардаҕа,
Тохтор суугун сэбирдэх
Көтөр наҕыл таммаҕа.

Ыллыыр-туойар ыччатыҥ
Ыллам тылын тэнитэр,
Хоһоон өппүт хонуутун
Хоннохторун арыйар.

Иэйииҥ кутун чараҥын
Сэбирдэҕэ суугунуур,
Сипсиэр тыаллыын сиэттиһэн
Илгэ тыынын ыспахтыыр.

Тобуллаҕас тыл топ топ
Тобугуруу кутуллар
Тобуруокап күһүнүн
Тобуллара дьүрүйэр.
…… Арылы.

 

Осень Тобурокова

 

Осень Тобурокова
Собрала гостей.
Для ума глубокого
Нет даров святей.

Место живописное —
Падает листва…
Что-то рукописное —
Для стихов слова.

Муза долгожданная
К каждому пришла:
Слог и рифма складная —
Радость не мала.

Видим: Вдохновение
С листьями кружась,
Может быть в смятении
Все ж танцует вальс.

Нет здесь одинокого,
Каждый тут согрет.
Осень Тобурокова
Для тебя, поэт!

Перевод Сырдааны

 

Үөһээ Бүлүүм Намыгар

Үөһээ Бүлүүбүт Намыгар
Тобуруокап тиэргэнигэр,
Барҕа тылбыт сааһыланар,
Хоһоон кута сайа тыынар.

Бүгүн Бүөтүр санаалара
Бэйиэт сырдык ыралара,
Баарыстана бу дайаннар
Бар дьонугар айхалланар.

Айгыр силик чээл иэйиилэр
Ахсым аттыы субуһаллар,
Аалыы көмүс кыырпахтардыын
Айхаллана ылланаллар.

Уостан түспэт дорҕоон кута
Урут түһэн уруй тута,
Сылаас тыына илгийбэхтиир
Сүрэх ахсын силигириир.

Көмүс күһүн күлэ үөрэр
Үрэр тыаллыын сэргэстэһэр,
Үрдүк санаа кыыма саҕар
Көтөр хоһоон кынатыгар.
……. Арылы

«Куорсун» айар түмсүү.Дьохсоҕон.Таатта.

Добавить комментарий

Ваш адрес email не будет опубликован. Обязательные поля помечены *