1 Star2 Stars3 Stars4 Stars5 Stars (3 оценок, среднее: 5,00 out of 5)
Загрузка...
153 просмотров

Книга — великая вещь, пока человек умеет ею пользоваться. » А.Блок

📷📖📸Хаартысканан күрэс түмүктэннэ.  *Кинигэ ааҕааччыта — күндү ийэм барахсан»*
Хаартысканан күрэс темаларын барыларын арыйар кинигэлэринэн кыттыбыт нэһилиэкпит киэн туттуута, *кинигэ дьиҥнээх уонна улахан доҕоро* Г.Е.Арылахова. Кини күндү аҕатыттан Е.И.Васильевтан бэлэх-кэриэс хаалбыт тапталлаах кинигэлэринэн Ааҕар Түмэли тэрийбит нэһилиэккэ, улууска соҕотох Ааҕааччы буоларын билинэбит уонна киэн туттабыт. Биһиги эрэ нэһилиэкпитигэр маннык ааҕааччыга анаан аана аһаҕас, үөрэниэн баҕалаахтарга үөрэх кинигэтин, дэлэй матырыйаалыттан уларсарга куруук бэлэм дьиэтээҕи библиотека баара буолуо.
Галина Егоровнаҕа нэһилиэк библиотеката ыытар тэрээһиннэригэр көтүппэккэ көхтөөхтүк кыттаргар улахан махталбын тиэрдэбин.
Мантан аллараа📸 хаартыскаларга кини сэдэх кинигэлэрин 📚көрүҥ.Күндү кинигэлэрин хаһаайкалара иһирэх ахтыытын сэҥээрэн ааҕыҥ.
«Мин бастакы умнуллубат кинигэм» 4 сааспын туолуубар туппут аан бастакы бас билбит кинигэм, куруутун аттыбар илдьэ сылдьарым, илдьэ сытарым эбитэ үһү.Чурапчыга көһөрбүтүгэр суумкабар уктан барбыппын. Бастакы кылааска сурук бөҕөтө бооччойбуппун, үөрэхтэнэн.Оччолорго бөрүөлээх уруучука, чэрэниилэ. Элбэҕи тулуйан, икки оройуонунан, дьукаах олорор ыалынан көһүүнү барытын тулуйан күн бүгүнүгэр тиийэ кэлбит аан бастакы илиибэр туппут, миэнэ диэн бас билэн бачаачайдаабыт кинигэм Н.Некрасов.Стихи для детей.
«Кинигэ — олохпут аргыһа» Ааҕар түмэлбэр 5,500 курдук кинигэлээхпин.Аҕам муспут, кэриэһин хаалларбыт кинигэ баайа кэҥиир, улаатар, сэҥээрээччилэрдээх, киэҥ эйгэҕэ таһаардым. «Күндүттэн күндү бэлэх — кинигэ».Бүгүн анаан, махтанан туттардылар. Сонун кинигэ, тута киһи хараҕар быраҕыллар, киэҥ ис хоһоонноох. Дизайна олус табыллыбыт, аныгы стилинэн оҥоһуллубут.
«Автортан суруктаах -үйэлээх кинигэ» эмиэ үгүс. Наһаа интэриэһинэй диэн санаанан салайтаран бу кинигэни таллым. Икки тылынан суруллубут, ис хоһоонунан уратылаах, айыллыбыт историята букатын интэриэһинэй, QR нөҥүө истэҕин. Автора физрук, спортсмен, атыы-эргиэн эйгэтин үлэһитэ уонна дьэ остуоруйа… «Саамай кырдьаҕас кинигэ» — В.Даль.Толковый словарь, 1909с. «Саамай кырачаан кинигэ» 1.5*2.0см. Секреты воды.»Саамай ыарахан кинигэ» ыйааһына 4кг.300гр. Бу ахтыынан сирдэтэн хаартыскалары көрүҥ.

Добавить комментарий

Ваш адрес email не будет опубликован. Обязательные поля помечены *