Кыттыыны ыллылар:

🔸 Андросов Гаврил Гаврильевич, кинигэни түмэн таһаарбыт «Чолбон» сурунаал бас эрэдээктэрэ, Саха сирин суруйааччыларын Сойууһун бырабылыанньатын солбуйааччы бэрэссэдээтэлэ.

🔸 Борисова Альбина Андриановна, Арассыыйа суруйааччыларын Сойууһун чилиэнэ, СӨ култууратын үтүөлээх үлэһитэ, «Алампа» аатынан общественнай бириэмийэ лауреата.

Алампа «Ыллыым ээ,ыллыым…» хоһоонун суруллубут ийэ тылбытынан сахалыы аахта Алампа төрөөбүт дойдутун — Дьохсоҕон нэһилиэгин баһылыга П.Е.Захаров, саха саҥалаах барыта таптыыр хоһооммутун улуу нуучча норуотун тылыгар тылбаастаммытын аахта В.И.Другин.Салҕыы Алампа аатынан Ытык Күөл орто оскуолатын үөрэнээччилэрэ 32 омук тылынан тахсыбыт антологияттан 10 араас омук тылынан кылгастык ааҕан иһитиннэрдилэр.

Кинигэ биһирэмин туһунан сиһилии бу ссылканан киирэн Утум Захаров суруйуутун ааҕыҥ:

https://ulus.media/article/82786

Алампа саҥа кинигэтин биһирэмигэр В.П.Харайданова-эбээ Валя  бэйэтин анабыл хоһоонун ааҕан иһитиннэрдэ.

Арыт саныыбын ээ
Алампалаах буоламмыт
Айар, суруйар дьоммут
Арыллан иһэллэр дуу диэн…

Сабаҕалыыбын ээ, сороҕор,
Соппуруонаптаах буоламмыт
Сахалыы дьиҥ ыраастык
Саҥарабыт дуу диэн

Билгэлиибин ээ сороҕор,
Биһигин ыйаабыт сиригэр
Биһирэмнээн олорорбутунан,
Билиититтэн бэрсэр дуу диэн…

Киинэ түспүт сиригэр
Кииннээн олорорбутунан
Киэн туттуоҕун доҕоттор,
Кини аатыгар сүгүрүйэ!

В.Харайданова-эбээ Валя.

«Куорсун» айар түмсүү.Дьохсоҕон.Таатта.