Ойор күннээх оҕо сааспыт ааспыт, үөрэх — билии бараммат баайын иҥэрбит Дьохсоҕоммут оскуолатыгар нэһилиэккэ үөрэхтээһин 125 сылын бэлиэтиир юбилейдаах дьоро күнэ ньиргийэн, үөрэнэн, үлэлээн ааспыт дьонун, үөрэнээччилэрин түһүлгэтигэр түмэн, ааспыт ааспат ахтылҕанын санатан ааста.
Биһиги 1976 сыллаахха манна ахсыһы бүтэрбит выпусктар, маннык түгэҥҥэ олус долгуйан, эрдэттэн оҥостон, бэлэмнэнэн кэлэр утүө традициялаахпыт. Тоҕо диэтэххэ, биһигини БАСТАКЫ кылаастан АХСЫҺЫ бүтэриэхпитигэр дылы бүөбэйдээн көччөх гына көтүппүт кылааспыт салайааччыта, үөрэх — билии ыллыгын тэлэн биэрбит, салгыы үөрэхтээх улэһит дьон буоларбытыгар олох киэҥ аартыгын арыйбыт учууталбыт Анисия Прокопьевна куруук кэтэһэрин, үөрэ — көтө көрсөрүн билэбит.
Быйыл Учууталбыт 85 сааһа. Оттон, биһиги кини үөрэнээччилэрэ, суос соҕотох выпусктаабыт кылааһа, бары 60 сааспытын ааспыт, олохпут суолун оҥостон, улэһит буолан, эбээ, эһээ дэтэн, олохпут орто омурҕанын ааспыт дьоммут уонна маннык көрсүһүүлэргэ, Учууталбыт аттыгар баар буоллубут да, оҕо курдук буола туһэбит…
Кунду Учууталбытыгар бары кэрэни, сырдыгы, чэгиэн доруобуйаны, өссө да этэҥҥэ сылдьан, уһуннук дьоллоохтук олордун диэн баҕа санаа бастыҥын аныыбыт!

Анисья Прокопьевна кылааһыттан — оҕо саас ахтылҕаныттан кылгас истиҥ санаатын тиэртэ үөрэнээччитэ Татьяна Львовна Попова. 24.03.2023с.Дьохсоҕон.