1 Star2 Stars3 Stars4 Stars5 Stars (3 оценок, среднее: 5,00 out of 5)
Загрузка...
147 просмотров

Өбүгэ оонньуулара.Дьикти хонуу.Киинэ…

  1. Бүгүн 31.03 «Чебурашка» киинэни көрөр кэтэһиилээх күҥҥэ оҕолор үөрэ-көтө муһуннулар.
    📌Саҕаланыытыгар кыра кылаас 10 уолаттарыгар өбүгэлэр оонньууларыттан икки көрүҥҥэ күрэхтэһии буолла. Манна Кыайыылаах Артем Габышев буолла.
    📌 Онтон орто кылаас кыргыттарыгар «Дьикти хонуу» оонньуу ыытылынна. Күндү күүтүүлээх саас кэлэн эрэринэн күрэхтэһии тиэмэтэ: «Саас. Көтөрдөр. Мастар.» 9 кыыс оонньууга кытыннылар. Финалга Кристина, Наташа, Зарина тиийдилэр. Кинилэртэн кыайыылаах Наташа Лебедева супер играҕа тиийдэ уонна сааскы билгэни билэр буолан Кыайыылааҕынан таҕыста.
    📌 Онтон дьэ оҕолор, эбээлэр таптыыр Чебурашкаларын туһунан саҥа киинэни иһийэн көрдүлэр.Гена мастерскойун алҕас ыспытын иһин хаһаайын бастаан кыыһыран баран наһаа өйдөөх, үтүө санаалаах Чебурашканы сөбүлээбитигэр тэҥҥэ үөрдүлэр.Онтон Римма Чебурашканы атаах кыыһыгар оонньото ылаары гыммытын Гена курдук сөбүлээбэтилэр. Саҥарбат уолчааны,кини ийэтэ Таня минньигэстэрин хайдах оҥорор кистэлэҥин билэр баҕалаах Римма, Ларион уонна да атын чаҕылхай дьоруойдары кытта бииргэ, Чебурашканы быыһаарылар, атаах кыыспыт Чебурашкабытын ыт оҕотун курдук быанан соһо сылдьарын көрөн аһынан, куһаҕан дьону утары тэҥҥэ туруннулар. Чебурашка оҕону быыһаабытыгар олус үөрдүлэр, тиһэҕэр ырыатын тэҥҥэ ылластылар. Садовникка Чебурашка дьиҥнээх доҕор, мээнэ оонньуур буолбатаҕын курдук Чебурашканы өссө сөбүлээтилэр. Киинэ кэнниттэн таптыыр Чебурашкаларын кытта кыра көрөөччүлэрбит умнуллубат өйдөбүлгэ анаан хаартыскаҕа түстүлэр.
    Иккис кылаас оҕолоро учууталларын Саргылана Петровнаны кытта мустаннар киинэҕэ кэлбиттэр, уолаттар күрэхтэстилэр. Кинилэргэ махталбытын тиэрдэбит!
    Бу курдук сааскы каникул биир сынньалаҥ күнэ сэргэхтик ааста.

Добавить комментарий

Ваш адрес email не будет опубликован. Обязательные поля помечены *