«Куорсун» айар түмсүүттэн саҥа анабыл хоһооннору ааҕыҥ,сэҥээриҥ:

Пушкинҥа

Будулҕан ыллыктаах олоххор
Уот кылыс тыллары көтүтэр
Суруйар Эн бөрүөҥ кытарар,
Суккуллар хоһоонуҥ субуллар.

Куорсуну кынаттыы анньынан
Солколуу суугунуур лирикаҥ,
Кылыстыы кылбайа күөрэйэн
Тахсара алыпка сууланан.

Умнубат норуотун эйиигин,
Хоһуйар бу кыаххын билинэр,
Хоһоонуҥ тыыныгар иитиллэр,
Улуукан Эн ааккар хоҥкуйар.

Арылы. 06.06.2023
«Куорсун»айар түмсүү.
Дьохсоҕон.Таатта

БУУСКУҤҤА.

Былыргы мындаалаах
дьылларга,
Тапталы бэстилиэт быһаарар
кэмигэр.

Куорсуннаах бөрүөтэ
сурдурҕаан,
Тиспитэ иэйиитин
хоһуйан.

Туойбута тапталы
хоһоонунан,
Нуучча омук
Уолана.

Кэрэ аҥаар сүрэҕин
сүүйэрэ,
Күүстээх тыл алыбын
күүһүнэн.

Ситимнээн хоһуйар
тыллара,
Сүүс омук сүрэҕин
сүүйбүтэ.

Үйэттэн үйэҕэ
тиһиллэн,
Кэрэкээн тыллара
түмүллэн.

Умнуллан, сорсуйан
хаалбакка,
Эдэркээн ыччаты
долгутар.

ДЬӨГҮӨР. ТААТТА.»Куорсун» айар түмсүү. Дьохсоҕон.Таатта.06.06.2023