1 Star2 Stars3 Stars4 Stars5 Stars (3 оценок, среднее: 5,00 out of 5)
Загрузка...
154 просмотров

«Мин аатым ааттаныа…»

  • Саха норуотун уһулуччулаах диэйэтэлэ,суруйааччы,лингвист-учуонай,бөлүһүөк,олоҥхоһут П.А.Ойуунускай төрөөбүтэ130 сылыгар аналлаах
    «Мин ырыам ылланыа, мин аатым ааттаныа. ..» аһаҕас уус-уран ааҕыы күрэһигэр нэһилиэкпит үөрэнээччилэрэ кытыннылар. Атын оскуолаттан уонна ыһыах ыалдьыттарыттан ааҕыыга күрэхтэһээччилэр суохтар.
    1. «Биирдиилээн ааҕыы» күрэскэ Арсен Матвеев А.Е.Кулаковскай — Өксөкүлээх Өлөксөй аатынан Дьохсоҕон орто оскуолатын 11 кылаас үөрэнээччитэ күөн көрсөөччүтэ суох, соҕотох буолан быһа Кыайыылаах аатын ылла.
    2. «Бөлөҕүнэн ааҕыыга» бастаатылар 8 кылаас уолаттарын ааҕар бөлөҕө.
    Иккис миэстэҕэ — 9 кылаас уолаттара.
    3. «Ааҕааччы уһуйааччытын кытта» ааҕыыга Попова М.С. уолунаан Алексейдыын П.А.Ойуунускай «Ийэ тылым» диэн хоһоонун аахтылар. Бу көрүҥҥэ эмиэ утарылаһар ааҕааччылара суох буолан быһалыы Кыайыылаах үрдүк аатын ыллылар.
    4. П.А.Ойуунускай хоһоонугар ырыалары толорууга кыттыы суох.
    📍Күрэхтэһии түмүгүнэн В.П.Харайданова-Эбээ Валя оҕолору истэн-көрөн баран бэйэтин «Анал бирииһин-5000солк» бастыҥ ааҕааччыга Арсен Матвеевка анаата. Валентина Петровна үтүө баҕа санаата: ааҕар дьоҕурдаах оҕо иҥнибэккэ-толлубакка, айылҕаттан анаммыт ааҕар талаанын сайыннаран, дорҕоонноохтук ааҕар маастарыстыбаҕа утумнаахтык үөрэнэн, истээччилэргэ-көрөөччүлэргэ хоһоон алыптаах тылларын итэҕэтиилээхтик тиэрдэн, айымньы ис хоһоонун толору арыйан, төрөөбүт төрүт тылын-өһүн барҕа баайын дьоҥҥо тиэрдээччи, арыйааччы буоларыгар. Онон кини сырдык ыра санаатын Арсен толоруоҕа диэн эрэнэрин биллэрдэ. Бу маннык хоһоон ааҕааччы оҕолорго, бэйэтин баҕа санаатынан ытыктыыр киһибит Валентина Петровна иккис төгүлүн Кылаан бирииһин анаата. Түгэнинэн туһанан күндү киһибитигэр тэрийээччилэр, уһуйааччылар, төрөппүттэр улахан махталбытын тиэрдэбит.
    📍»Бөлөҕүнэн ааҕыыга» бастакы миэстэлээх 8 кылаас оҕолоругар бирииһин анаата биир дойдулаахпыт Таатта Дьохсоҕонуттан төрүттээх Петрова-Габышева Алла Тарасовна Өлөөн улууһун «Кэнчээри» оҕону сайыннарар киин, Россия, Саха Республикатын, Өлөөн улууһун Бастыҥ үлэлээх детсадын, элбэх Международнай, Российскай, Республиканскай проектар пилотнай площадкалара статустаах кэллэктиип салайааччыта, Россия Уопсай үөрэхтээһинин бочуоттаах үлэһитэ, Республика үөрэҕириитин туйгуна, Өлөөн нэһилиэгин бочуоттаах олохтооҕо, «Таатта улууһун сайдыытыгар тус кылаатын иһин» анал бэлиэлээх ытыктыыр уонна киэн туттар салайааччыбыт.
    📍Иккис миэстэлээх 9 кылаас ааҕар бөлөҕөр бэйэтин анал бирииһин туруорда эмиэ биир дойдулаахпыт, хоһооннору чаҕылхайдык ааҕан истээччилэр куттарын-сүрдэрин туппут, саха норуотун биллиилээх поэттарын айымньыларын сэргэхтик тарҕатааччы, дорҕоонноохтук ааҕар талааннаах Культура уонна искусство колледжын режиссура салаатын выпускнига, Үүнэр Көлүөнэ Театрын артыыската, «Артыыс Аартыга» оҕо драматическай мастерскойун салайааччыта, блогер Сардаана Дмитриевна Попова.
    📍»Ааҕааччы уһуйааччытын кытта» көрүҥҥэ ааҕааччыларга анал бирииһи туруорда нэһилиэкпит «Куорсун» айар түмүүтэ. Айылҕаттан аналлаах 13 айар-суруйар, нэһилиэкпитин ааттатар талааннаахтарбыт оҕо уһуйааччытын кытта ааҕыытын өйөөннөр, тус бириистэрин туруоран Поповтарга анаатылар.
    📍Онон спонсордар-киэн туттар биир дойдулаахтарбыт быйылгы үбүлүөйдээх ааҕыыларга кыттааччылары анал бириистэринэн-ботуччу харчыны бэлэхтээн үөртүлэр. Уолаттарга саҥаттан-саҥа литературнай күрэстэргэ ситиһиилээхтик кытталларыгар кынаттаатылар.Саха уус-уран литературатын ааҕыыны,тарҕатыыны салҕыы сэргииллэригэр баҕаларын биллэрдилэр. Күндү биир дойдулаахтарбытыгар Валентина Петровнаҕа, Алла Тарасовнаҕа, Сардаана Дмитриевнаҕа уонна нэһилиэкпит «Куорсун «айар түмсүүтүгэр аахпыт оҕолор уонна кинилэри өйүүр күндү төрөппүттэрин, уһуйааччыларын, күрэһи тэрийээччилэр ааттарыттан барҕа махталбытын тиэрдэбит. Эһиги сырдык санааҕыт, эрэлгит ааҕар оҕолорго өйөбүл,тирэх буолуохтара.
    Бу үбүлүөйдээх ааҕыыларга барыта уолаттар кыттыыны ылбыттара улаханнык үөрдэр.Бу оҕолор салайааччылара — саха тылын уонна литературатын учуутала Мария Владимировна Сивцева. Кини уолаттарга ааҕар дьоҕурдарын таба көрөн үөрэтэн,бэлэмнээн нэһилиэкпитигэр «Алампа куолаһа» ааҕар бөлөх курдук, салҕыы уолаттар бөлөхтөрө баар буолуоҕа диэн эрэнэбит. Кинилэр төрөөбүт тылларын сэргииллэрин туоһута уонна күүстээх аҥардар буоланнар чахчы кыһаллан, хоһоон уһун тиэкистэрин нойосуус үөрэтэргэ кыахтарын көрдөрдүлэр. Уолаттарбыт маладьыастар! Салҕыы бу үтүө дьарыккытын хаалларбакка сайдаҥҥыт үрдүк ситиһиилэнэргитигэр баҕарабыт!

Тэрийэр сүбэ. 21.06.2023с.
Дьохсоҕон нэһилиэгэ.

«Кылаан бириис» хаһаайына А.Е.Кулаковскай-Өксөкүлээх Өлөксөй аатынан Дьохсоҕон орто оскуолатын үөрэнээччитэ — Арсен Матвеев.

Бириистэри туттарыы үөрүүлээх түгэниттэн.

Алексей Попов хоһоону ааҕыыга уһуйааччыта күн күбэй ийэтэ Марина Спартаковнаны кытта.

Добавить комментарий

Ваш адрес email не будет опубликован. Обязательные поля помечены *