1 Star2 Stars3 Stars4 Stars5 Stars (4 оценок, среднее: 5,00 out of 5)
Загрузка...
65 просмотров

Атырдьах ыйа -«Куорсун» саҥа хоһоонноро

Атырдьах ыйа.

Аан Дьааһын ыйа
Аргыарын арыйан эрэрин
Адьаһын биллэримээри,
Албыннаспыт курдук
Ардаҕынан ньалҕарытан,
Аргыый соҕустук устан
Алы гыныҥ диэбиттии,
Аанын аһан дьэ кэллэ!

Эбээ Валя.01.08.23

 

От ыйа аргыыйдык күрэнэр ,
Бэс ыйа сэгэйэ атыллыыр.
Сыл ахсын бу маннык эриллэр
Арахсыы аартыга арыллар.
Сайыҥҥы сыралҕан куйааспыт
Күһүҥҥү сөрүүҥҥэ солбуллар,
Саһарбыт сэбирдэх үҥкүүтүн
Күлүмнэс күөнүгэр сөрөнөр.
Сайыҥҥы сибэкки көбүөрэ
Көмүс өҥ дуйунан сотуллар.
Чэлгийэр күөх сирэм айылҕам,
Чочуйан ситэрбит отонун,
Кытархай имигэр олорсон,
Күһүҥҥү хартыына иһийэр.
Арылы.01.08.23.

 

Баай талым олоҕу түстүүр,
Отонноотоххо оҥоойук туолар,
Сыһыы-толоон аайытын
Топпут сүөһү таалалыыр,
Саҕаланна мин ыйым,
Алтан дуйдаах атырдьах ыйа…
Эҕэрдэлээн кэбиһиҥ🌿🌿🌿
Дьохсоҕон кыыһа.01.08.23.

 

АТЫРДЬАХ ЫЙА

Атырдьах ыйа кэрэ сайын
түмүк ыйа,
Үрүҥ түүммүт солбуллар
ыас -хараҥа боруорга.

Атырдьах ыйа кыдама ыйа
отчут -масчыт түмүгэ,
Кээһиилээх от кэккэлэһэр
кэнчээрибит өрө анньар.

Атырдьах ыйа сайыны -күһүнү
аҥаардыыр,
Кэрэ -бэлиэ түгэннэрдээх
кэтэһиннэрэр кэмнэрдээх.

Атырдьах ыйа үүнээйибит
кэхтэр кэмэ,
Күһүн иһэр бэлиэтэ онон-манан
кырамахтыыр.

Атырдьах ыйа сирбит аһа
моонньоҕон,
Хараара буһан ас биэрэн
минньийэрэ эриэкэс.

Атырдьах ыйа турар -турбат
барыта,
Бэлэмнэнэр кыстыкка сыл
тахсарын хаһаанар.

ДЬӨГҮӨР. ТААТТА.01.08.23.

 

ОТТООҺУН

Алаас -сыһыы аайытын
Хотуур тыаһа сырылас,
Уолбаларга -маардарга илии
Хотуура сырдырҕас.

Хадьымалбыт кэҥээтэ,

Харах ыларын тухары тэлгэннэ ,
Охсуллубут от сыта

Тула эргин тунуйда,

Оҕо -дьахтар саҥата

Дуораан буолан иһиллэр,
Кыраабылбыт кылбаҥныыр,
Атырдьахпыт күөрэҥниир.

Бугул -лэкээ хардыы аайы
кэчигирээтэ,
Кыдамабыт күөрэҥниир,

Кээһии от түстэнэр.

Күүстээх үлэ түмүгэ

Кэчигирээтэ күрүөҕэ,
Кыһыны туоруур хаһааспыт
Отчут үөрүүтүн үрдэттэ.

ДЬӨГҮӨР. ТААТТА.

 

Добавить комментарий

Ваш адрес email не будет опубликован. Обязательные поля помечены *