1 Star2 Stars3 Stars4 Stars5 Stars (5 оценок, среднее: 5,00 out of 5)
Загрузка...
128 просмотров

Память о Великом Человеке навсегда будет жить в наших сердцах.

Бастакы бэрэсидьиэммит М.Е.Николаевка

Итэҕэйбэппин….
Улуу киһи өлбүтүгэр!
Бу сиртэн күрэммитигэр!
Кини дьыалата тыыннаах,
Ол аата өлбөт үйэлээх,
Инникибит кэскиллээх,
Үүнэр — сайдар дьылҕалаах.
Өрүү норуотун сүрэҕэр,
Тутан ааспыт олоҕун
Тулхадыйбат тирэҕэр,
Кини тыыннаах,
Тыыннаах,
Тыыннаах….
.. Арылы

«Куорсун» айар түмсүү
05.08.2023 с. Таатта.

 

М.Е Николаевка (акростих)

*Нь* ургун Эр бэрдэ,
*У* лууттан Улуу,
*К* иһи Кэрэмэһэ,
*У* лахан Киһи!
*Л* оп- бааччытык
*А* йбыккын-туппуккун
*А* стынар норуотуҥ!
А *Й* ЫЫ Киһитэ,
*А* дьас саха дьолугар
*П* резидент буолбутуҥ!

В.П.Харайданова-эбээ Валя.
«Куорсун»айар түмсүү.
Таатта Дьохсоҕон.10.12.2022

 

Халлааҥҥа көстүбүт сулустуу

Саха бастакы Дарханыгар М.Е.Николаевка

Ыһыллыы- тоҕуллуу кэмигэр
Ыйдаҥа сулуһун санатан,
Бар дьоҥҥун сирдээҥҥин тиэрпитиҥ
Киэҥ байҕал олоҕун туоратан.
Тоҥ буору тобулбут кэриэтэ
Тупсаҕай оҥоһуулаах дьиэлэри,
Туймаада хочотун үрдүгэр
Туттаран дьэндэтэн таһаартыҥ.
Ыччатыҥ инники суолларын
Тэлбитин кыһанан тураҥҥын.
Аан дойду үрдүнэн
сахалыы саҥалаах норуоккун,
Аар — саарга ааттатан
сыраҕын-сылбаҕын анааҥҥын,
Билиигин-көрүүгүн туттаҥҥын
Инники сайдыыбыт хардыытын
Норуоккар туһаайан ууммутуҥ.

Дьохсоҕон Кыыһа Таатта
05.08.2023сыл

БЫРАҺААЙ , СИРДЬИППИТ

Сахабыт норуотун биир бастыҥ ыччата,
Инники олохпут ыллыгын
тэлээччи,
Ойуунускай ,Омуоһап суолларын салҕааччы,
Бар дьонун сырдыкка сирдээччи
Сахабыт норуотун чаҕылхай
сулуһа,
Инники суолбутун сырдатан
биэрээччи
Биир улуу киһибит олоҕо
быһынна,
Бу күн сириттэн букатын аттанна.

Умулунна сулус, бүрүүкээтэ хараҥа ,
чуумпурда тулабыт,
Соҥуорда сүрэхпит, ытаата хаанынан.

Ол да буоллар, кэннигэр хаалларбыт норуота,
Уһуйбут -такайбыт ыччата
ааттатыа аатын.

Үйэлэртэн үйэҕэ ыҥырар
сулус оҥостон
Хаамыаҕа чиҥник кини тэлбит
айанын суолунан.

ДЬӨГҮӨР, ТААТТА.

«Куорсун» айар түмсүү. Дьохсоҕон.04.08.23

 

«Куорсун» түмсүүттэн Т.К.Сидорова сиэнэ Виола Остапенко  Ф.С.Аргунов аатынан Тааттатааҕы Оҕо искусствотын оскуолатыгар үөрэнэ сылдьан М.Е.Николаев 2018с.Тааттаҕа кэлиитигэр П.Ойуунускай аатынан Тааттатааҕы театрга көрсүһүүгэ, Михаил Ефимович ыйытыыларыгар эппиэттиирин Бастакы Президеммит болҕойон истэр үтүө түгэнэ хаартыскаҕа үйэтитиллибитин көрүҥ.

Добавить комментарий

Ваш адрес email не будет опубликован. Обязательные поля помечены *