Бүгүн балаҕан ыйын 23күнүгэр Дьохсоҕон нэһилиэгэр Чараҥ алааска «Комсомол 20сыла» холхуос хорсун-хоодуот  дьонугар аналлаах саҥа Сквер арылынна.

«Дьохсоҕоммутугар биир дьоһун историялаах сквер — ретро аһылынна.
Сквер дьоҕус гынан баран, нэһилиэкпит биир холкуоһун олоҕун — дьаһаҕын, хоһуун холкуостаахтарын, сэрии кэминээҕи ыарахан кэмнэри, «хараҥаҕа тыкпыт сырдык» поэт Пантелеймон Тулааһынап, холкуос дьонун дьылҕатыгар үтүө санаатын, сыһыанын көрдөрөр бэлиэтин кэпсиир баай ис хоһоонноох, биир кэрэ — бэлиэ Ытык сири, дойдубут дьоно баран көрөөрүҥ диэн ыҥырабын.» Т.Л.Попова.

«Кэриэстэбил»

Сэрии уот-кураан дьылларын оҕолоро
Олорон ааспыт олохторо,
Кэпсээнҥэ кэпсэниэ, Сурукка тиһиллиэ.

Кинилэр ааттара ааттаныа
Кэм-кэрдии кэллэҕинэ,
Оҕо киһи оҕус сиэтэн,
Сонуокка сир тиэрэн,
Буолакка бурдук ыһан,
Оонньооботох оҕо саастара,
Тиийиммэт-түгэммэт олохторо.

Атах сыгынньах сииги кэһэн
Сэниэ эстэр эрэйэ,
Иҥпитэ умнуллубаттыы,
Өйдөрүгэр -санааларыгар өһүллүбэттии.

Охтубуттара дьэҥкэрэр өлүүгэ
Улуу Ыстаалын аатын ааттыы,
Сүрэхтэригэр таҥараҕа тэҥнии
Иҥэрэн барбыттара төннүбэттии.

Умнуллубат туох да, Көлүөнэттэн-көлүөнэҕэ кэпсэнэ туруо ,
Эдэр дьон сүрэҕэр Кэриэстэбил
Төлөн уотунан умайыа.

Сурукка тиһиллэн кылбайыа ,
Кэриэс буолан тиийиэҕэ,
Кэлэр көлүөнэ ыччакка
Ыҥырар сулус
Чаҕылыйа сандааран аартыкка дьэндэйиэ.

Дьөгүөр. Таатта.
23.09.23.Дьохсоҕон.