Вырдылин Иннокентий Афанасьевич — Ытык Ильмень кырыктаах кыргыһыытын бэтэрээнэ, икки үрдүк үөрэхтээх: Саха тылын, литературатын уонна улуу нуучча тылын, литературатын методист-учуутала.
Үлэ ыстааһа: 32 сыл.
1949с.Саха педагогическай институтун бүтэрбитэ.
1959 с.Саха государственнай университетын бүтэрбитэ.
Ытык Күөл орто оскуолатыгар саха тылын учуутала, директора. Чөркөөх орто оскуолатыгар завуч, нуучча тылын учуутала, Дьохсоҕон 8 кылаастаах оскуолатыгар нуучча тылын учуутала, Уус Таатта оскуолатыгар завуч.
Наҕараадалара:
Албан аат орден кавалера, 5 бойобуой уонна юбилейнай мэтээллэрдээх. Таатта улууһун бочуоттаах олохтооҕо,Үлэ бэтэрээнэ.

Слепцова Дария Ивановна — Уолбаттан төрүттээх этэ. Чурапчы педучилищетын бүтэрэн Ытык Күөл орто оскуолатыгар начальнай кылаас учууталынан үлэлээбитэ.

Үлэ ыстааһа 5 сыл. Ыалдьан салгыы үлэлээбэтэҕэ. Эдэр сааһыгар олохтон туораабыта.
Наһаа үчүгэйдик ыллыыр эбитэ үһү. Дьоннор «Уолба күөрэгэйэ» дииллэрэ.

Саввина Любовь Иннокентьевна.

Үлэ ыстааһа 40 сыл. 1972с.Саха государственнай университетын бүтэрбитэ. Аҕатын туйаҕын хатаран нуучча тылын уонна литературатын учуутала.
Дьохсоҕон аҕыс кылаастаах оскуолатыгар нуучча тылын, литературатын учуутала.
Чөркөөх орто оскуолатыгар нуучча тылын, литературатын учуутала.
Ытык Күөлгэ Оҕо спортивнай оскуолатын остуол тенниһыгар тренера.
Наҕараадалара:
СӨ Үөрэҕириитин туйгуна, бочуоттаах бэтэрээнэ.
СӨ спортка сайдыытыгар кылаатын иһин знак. Таатта улууһугар спорт сайдыытыгар кылаатын иһин знак.
«Урожай» общество бочуоттаах үлэһитэ.
СӨ спортка бочуоттаах бэтэрээнэ.
1996с. «Азия оҕолоро» күрэхтэһиигэ главнай тренера, бу сыл СӨ командата 2 миэстэҕэ тахсыбыта.
РФ,СӨ физкультураҕа, спортка туйгуна.
Таатта улууһун, Дьохсоҕон нэһилиэгин бочуоттаах олохтооҕо.
Л.И.Саввина кэргэниниин И.И.Саввинныын ыал буолан олорбуттарын 50 сылын бэлиэтээбиттэрэ.
«Семейная доблесть», «За верность родительскому долгу» анал бэлиэлэри туппуттара.Саввиннар оҕолоро бары үрдүк үөрэхтээх үлэһит ыаллар. Учуутал эһээлэрин, эбээлэрин курдук талан ылбыт идэлэригэр бэриниилээх үлэһиттэр, кинилэр сырдык ааттарын ситиһиилээх үлэлэринэн, эйэлээх олохторунан үйэтитэллэр, кинилэргэ тапталларын уонна истиҥ махталларын оҕолоругар — хос сиэннэргэ иҥэрэллэр-иитэллэр.

Вырдылиннар  107сыллаах «Учуутал династияларын» салҕааччы Тарбахова Дария Иннокентьевна. Бүлүү педучилищетын, Дьокуускайдааҕы Педагогическай Академияны бүтэрбитэ. Үлэтин Дьохсоҕон «Хаарчаана» детсадыгар саҕалаабыта, «Эдэр кэскиллээх воспитатель» ааты ылбыта. Иккис үөрэҕин бүтэрэн Ытык Күөлгэ «Березка» детсадка үлэлээбитэ. Үлэлии сылдьан үөрэнэн Психолог идэтин баһылаан Тааттатааҕы Гимназияҕа директор иитэр үлэҕэ солбуйааччытынан уонна психолыгынан үлэлээбитэ. 2021с.Өлөөн улууһун Харыйалаах орто оскуолатыгар директор иитэр үлэҕэ солбуйааччытынан икки сыл үлэлээн, төрөөбүт дойдутугар төннөн кэлэн Ытык Күөл бастакы оскуолатыгар психологынан айымньылаах үлэтин салҕыыр,кэнчээри ыччаты иитэн-үөрэтэн олох киэҥ аартыгар эрэллээхтик тахсалларыгар көмөлөһөр.

Үлэ ыстааһа — 30сыл.

Наҕараадалара: Үөрэх Министерствотын, Өлөөн улууһун баһылыгыттан грамоталар, ситиһиилээх үлэтигэр үгүс дипломнар, махтал суруктар.

Саввиннар эһээлэрин Иннокентий Афанасьевич туһунан «Үйэлэргэ сүппэт үтүө аат» кинигэни Кыайыы 75 сылыгар таһаарбыттара.
Кинигэ 5 баһынан хорсун буойун, улахан учуутал, талааннаах корреспондент, ытык киһи Вырдылин И.А. килбиэннээх олоҕо сырдатыллыбыт. Хос эһэтин туһунан дакылаатынан Карбышевскай ааҕыыларга хос сиэнэ Алина Тарбахова 1 миэстэни ылбыта.