Комсомольская юность моя…

Комсомол 105 сылын көрсө Дьохсоҕон нэһилиэгин комсомол саастарын умнубакка саныыр, «мэлдьи эдэр комсомольскай сүрэхтээхтэр» мустаннар үөрүүлээхтик бэлиэтээтилэр.
🎬🎞️»Эдэр сааһым киинэлэрэ уонна артыыстара» диэн видеовикторинаҕа кытыннылар. Сөптөөх эппиэти Харайданова В.Г. элбэҕи этэн «сэбиэскэй артыыстары» олус сөбүлээн, кинилэр хаартыскаларын оҕо сылдьан мунньубут буолан, таптыыр артыыстарын умнубакка ахтан-санаан, эдэр сааска кулуупка киинэ көрөр кэм ахтылҕанын долгунугар уйдарда. Элбэх киинэлэри билэринэн сөхтөрдө ытыктыыр бэтэрээммит, библиотека бастыҥ ааҕааччыта Наумова Евдокия Иосифовна.
Кини элбэх кинигэни аахпыт буолан,үгүс киинэлэр биллэр айымньыларга олоҕуран уһуллар буоланнар, аахпыт кинигэлэрин санаата, киинэлэр кадрдарын көрөөт сөпкө таайан барыбытын үөртэ.
Элбэх киинэлэри, артыыстары билэллэрин көрдөрдүлэр нэһилиэк администрациятын специалиһа В.П.Власова. Кини эмиэ кинигэни ааҕарын олус сөбүлүүр дьарыга. Ол да иһин аахпыт кинигэлэринэн киинэлэри элбэҕи биллэ.Саввин Е.Е. киинэлэри эмиэ үчүгэйдик билэрин көрдөрдө.
🎖️Интэриэһинэй Викторина кэнниттэн биэчэр үөрүүлээх чааһыгар нэһилиэкпит ытыктанар кырдьаҕастарыгар, комсомолецтарыгар «СӨ Ытык кырдьаҕаһа» диэн өрөспүүбүлүкэбит Ытык кырдьаҕастарын сүбэтиттэн кэлбит түөскэ кэтиллэр анал бэлиэлэри туттарыы буолла.Үс күндү дьоммут В.П.Харайданова-Эбээ Валя, Халыева Т.М.уонна Наумова Е.И түөстэригэр анал бэлиэлэри күлүмүрдэтэ иилэн, дастабырыанньатын туттарда нэһилиэк Баһылыгын э.т.Е.Е.Саввин. Ытык дьоммут үһүөн эдэр саастарыттан, эрчимнээх комсомольскай кэмнэриттэн ахтыы оҥордулар. Эбээ Валя эдэр сылдьан ыллаабыт ырыатын иһитиннэрдэ. Онтон актыыбынай комсомолкаларга Махтал суруктары туттарыы буолла. Харайданова Н.С. Седалищева А.И, Харайданова В.Г. Кинилэри кытта эдэр саас комсомольскай ырыаларын чуор куоластарынан дуоһуйа ыллаатылар Архипова С.К. Гладкина В.П. уо.да.а.
Ураты үөрүүлээх биэчэр умнуллубат түгэннэрин көрүҥ.