Саха литературатын төрүттээччилэриттэн биирдэстэрэ, классик суруйааччы, бастакы лирик-поэт, биллэр общественнай-култуурунай деятель, А.И.Софронов — Алампа төрөөбүт дойдутун туһунан Л.И.Хабытина бэлэмнээбит видеопрезентациятын сэҥээрэн көрүҥ-истиҥ.

Дьохсоҕоҥҥо кини сырдык аатын үйэтитэн ыччаттар хоһооннорун ааҕаллар, «Куорсун» литературнай түмсүү айар дьоҕурдаахтара анабыл хоһооннорун айаллар, уруһуйдуур талааннаахтар кинини хартыынаҕа суруйан өлбөт- сүппэт  мөссүөнүн үйэлэргэ хааллараллар.

«Эстетическай өй-санаа үрдүкү чыпчаала буолбут  Алампа айымньылара ааҕааччыны ыраастыыр, киһититэр катарсическай майгылаахтар» диэн  В.Г.Семенова суруйбутун умнумаҥ.