1 Star2 Stars3 Stars4 Stars5 Stars (3 оценок, среднее: 5,00 out of 5)
Загрузка...
45 просмотров

«Аптаах саҥа-дьылбыт сандаарда» утренник

  1. Тохсунньу 2 күнүгэр КСК саҥа дьылы көрсөр «Аптаах саҥа-дьылбыт сандаарда» кырачааннарга үөрүүлээх утренник буолла. Эдэр ийэлэр,эбээлэр оҕолорун,сиэннэрин араас маскарааты бэлэмнээннэр кэтэрдэннэр оҕолор үөрүүлэрэ үрдээбит. Тымныы Мооруос оҕонньору уонна сиэн кыыһа Хаарчаананы ыҥырдылар.Кинилэргэ анаан билэр ырыаларын-хоһооннорун бары кэриэтэ ыллаан-ааҕан эҕэрдэлэстилэр.Кыттыбыт оҕолору Хаарчаана оонньуурунан, минньигэһинэн күндүлээтэ.Онтон дьэ күүтүүлээх түгэн туолан Мооруос Оҕонньор оҕолорго  бадаарактары туттаран умнуллубат үөрүүнү бэлэхтээтэ. Оҕолор бары бииргэ көрдөөх клоуну кытта ыллаан чоргуйдулар, үҥкүүлээн битийдилэр.Оскуола үрдүкү кылаас  кыргыттара оҕолору ыллаан,үҥкүүлээн эҕэрдэлээтилэр.Онтон икки хамаандаҕа арахсаннар оҕолорго 10 этаптаах «Көрдөөх стартар» күрэхтэһии буолла.Оҕолор сэргэхтик оонньоон күрэхтэстилэр,ийэлэр,эбэлэр оҕолоругар көмө буоллулар. Түмүккэ кыайыылаахтар уонна кыттыбыттар бириистэри туттулар. Утренникпыт биир бэлиэ күүтүүлээх-кэтэһиилээх түмүгэ «Күлүмүрдэс харыйаны киэргэтэр кэрэ бэлэх оонньуурдар» диэн бэйэ оҥоһуга оонньуурдары оҥорууга күрэс кыттыылаахтара 8 эрэ оҕо кэлбит буолан,кинилэргэ барыларыгар  бириистэри туттарыы буолла.Саамай элбэх уонна дьикти оонньуурдары  оҥорбуттар Саша, Вика Поповтар.Онтон кыраһыабай элбэх  оонньуурдаах Ньургуйаана, Алгыстаана Наумовалар.Кыттыбыт оҕолор оонньуурдарын ахсаана 43 буолла. Оҕолор библиотека саҥа елкатын олус кэрэ оонньуурдарынан симээтилэр. Түгэнинэн туһанан баһылык солбуйааччытыгар Евгений  Егорович Саввиҥҥа ааҕааччылартан улахан махталы тиэрдэбит.Саҥа дьылы көрсөр үөрүүлээх кэмҥэ саҥа елка толору комплегын (Дед Мороз, Снегурочка, гирляндалар араастарын) ааҕааччыларга анаан бэлэх оҥорбутугар. Солун кэрэхсэбиллээх оонньуурдары тустуук уолаттарбыт салайааччылара Л.П.Тарбахова,В.Ф.Колотинская көмөлөрүнэн оҥорбуттара олус үөртэ. Оҕолор күүстээх-уохтаах  дьарыктарын быыһыгар, саҥа 2024 сылы үөрүүлээхтик көрсөннөр,бастыҥ баҕа санааларын иҥэрэннэр оонньуурдара чаҕылхайдар уонна солун оҥоһуулаах буолбуттар.Ити курдук элбэх оҕо кыттан елканы үөрэ көтө симээбиттэрэ. Оонньуурун бастакынан библиотекаҕа аҕалбыта ааҕааччы Леня Захаров. Наһаа тымныы күннэр буолан оҕолор аҕаларын, эбэлэрин, ийэлэрин кытта кэлэннэр елкаҕа оонньуурдарын иилбиттэрэ.Ити курдук ааҕааччылар үөрүүлээхтик, бары үчүгэйи, дьолу ыралааннар оонньуурдары оҥордулар,утренникка бэһиэлэйдик оонньоон көрүлээн, бэлэхтэри тутан саҥа сылы көрүстүлэр.

Мантан аллараа Алампа ДНТ видеоролигын уонна хаартыскалары көрүҥ.

Добавить комментарий

Ваш адрес email не будет опубликован. Обязательные поля помечены *