1 Star2 Stars3 Stars4 Stars5 Stars (2 оценок, среднее: 5,00 out of 5)
Загрузка...
89 просмотров

Саҥа кинигэлэртэн уларсан аах.

Күндү ааҕааччы!

Саҥа сылга саҥа кэлбит кинигэлэртэн билис.Оҕолорго кинигэлэртэн тымныы кэмҥэ бэйэҥ кэлэҥҥин уларсан оҕоҕун кытта бииргэ аах,үөрүүтэ — билиитэ бэлэхтээ.

Биир дойдулаахтарбыт эдэр ыаллар Николай,Альбина Матаннановтар оҕолорго аналлаах бастакы кинигэлэрин,Саха сиригэр физкультурнай хамсааһын 100сылыгар анаан таһаарбыттарын, оҕолоргут хайаан да сэҥээриэхтэрэ.Эн библиотекаттан уларсан илдьиэххин эрэ наада.Бу оҕолорго аналлаах энциклопедияны дьиэ кэргэҥҥэ бары сөбүлээн ааҕыаххыт.Саха сиригэр тарҕаммыт спорт 24 араас көрүҥүн туһунан кэрэхсэбиллээхтик кэпсэнэр.Өссө ону таһынан эти-сиини чэбдигирдэр хамсаныылары видеонан көрүөххүт.

Саха норуодунай суруйааччыта Николай Якутскай төрөөбүтэ 115сылыгар ананан тахсыбыт саҥа кинигэтэ.Бу кинигэни уолгун кытта аахтаххына оҕоҥ айылҕалыын алтыһа,булт үгэстэрин иҥэринэ, аар айылҕабыт күүһүгэр итэҕэйэ, айылҕа суруллубатах сокуона диэн тугун өйдүү үөрэниэҕэ.

Билиэн-көрүөн баҕалаах оҕоҕун кытта аахтаххытына кинигэ геройа Тургуннуун силиэстийэ ыытан ирбэт тоҥ  кистэлэҥнэрин билиэххит.

Биир дойдулаахпыт Гаврил Андросов уолаттарга аналлаах хоһоонноро.Автор этэр: эр киһи бастакы анала-көмүскээччи. Онон уол оҕо — эр киһи ааттыын да эр санаалаах, күүстээх-уохтаах, сатабыллаах буолара,омукпут кэскилэ. Уолаттаргытын тыа сиригэр, айылҕаҕа сырытыннарыҥ, эт-хаан, өй-санаа өттүнэн сайдарга,тулуурдаах буоларга дьулуһуҥ диэн автор суруйбут. Бу кинигэни ааҕарга оҕоҕор көмөлөс. Иккиэн бииргэ ааҕаҥҥыт сөбүлээбит хоһоонун нойосуус үөрэттэххинэ, оҕоҥ доҕотторугар ааҕан иһитиннэрэр таптыыр хоһоонноох буолуоҕа.

Бу кинигэни аахтаҕына эн оҕоҥ кинигэ геройа хорсун санаалаах нарын кыыс Кустукчааналыын дьикти алыптаах хомуһу кытта билсиэҕэ,оонньуурга үөрэниэҕэ.

Автор Суоһааны саҥа проза кинигэтэ ааҕааччыга авторы атын өттүттэн арыйыаҕа.Кэпсээннэргэ бүгүҥҥү тыа сирин олоҕо кэрэтэ да,ыарахана да көстөр…

Улахан ааҕааччыларга аналлаах кинигэлэри бэйэҥ кэлэн көр,билис,уларсан дьиэ кэргэҥҥэ илдьэн аахтар. Саҥа кинигэлэр бэйэлэрин эрэллээх ааҕааччыларын күүтэллэр.

Ааҕааччы сөбүлүүр,кинигэлэрин кэтэһэр автора Виталий Егоров саҥа кинигэтэ. 90-с сыллар…

Биир дойдулаахпыт А.П.Лопатин кинигэтэ.Олус интэриэһинэй кинигэ.Хайаан да уларсан көрүҥ,ааҕыҥ. Кымыс,чороон туһунан олус элбэҕи билиэххит.

Библиотекаҕа сырыт, саҥа кинигэлэри билис, уларсан аах, билиигин хаҥат, иллэҥ бириэмэҕин оҕоҕун кытта туһалаахтык атаар.

Добавить комментарий

Ваш адрес email не будет опубликован. Обязательные поля помечены *