1 Star2 Stars3 Stars4 Stars5 Stars (8 оценок, среднее: 4,63 out of 5)
Загрузка...
113 просмотров

Букубаарга махтал!

Бүгүн бастакы кылаас үөрэнээччилэригэр, төрөппүттэригэр маҥнайгы учууталлара Январита Ивановна Сивцева үөрүүлээх күнү бэлэхтээтэ. Оҕолор букубаардарын үөрэтэн бүтэрэн ааҕар-суруйар буолан букубаардарыгар махтаннылар. Букубаартан ыйытыыларга сөптөөхтүк хоруйдаатылар. Хоһоон аахтылар, ырыа ыллаатылар. Биэс тохтобуллаах оонньуу-күрэскэ билиилэрин тургутан көрдүлэр. Кинигэни ааҕар буолбут 10 ааҕааччыбар остуоруйа кинигэ бэлэхтээтим уонна ааҕааччы билиэтин туттардым.Билиэт иннигэр библиотека толору аата, куар кодунан сайтка, ВК, телеграм каналга библиотека солуннарын кытта билсиһиэхтэрэ.Билиэт кэннигэр библиотекаҕа сылдьан хас кинигэни уларсан ааҕаллара бэлиэтэнэр.Оччоҕо бу ааҕааччы сылга хас кинигэни, библиотекаҕа хаста сылдьан уларсан аахпыта көстүөҕэ. Ийэлэр, эбээлэр уонна Ньургуйаана аҕата оҕолор үрдүк үөрүүлэрин үллэстэн истиҥник эҕэрдэлээтилэр. Оҕолорго бэлиэ күнүнэн букубаар ойуулаах минньигэс торт амсаттылар.
Оҕолор оскуолатааҕы олохторугар хаһан да умнуллубат биир үтүө түгэннэрэ буолан ааста.
Библиотека саҥа ааҕааччыларын хаартыскаларга, видеоларга сэҥээрэн көрүҥ. Кинилэри учууталлара библиотеканы көрдөрө экскурсияҕа аҕала сылдьыбыта. Онон оҕолор библиотеканы билэллэр, бастакы ааҕар кинигэлэрин уларсыбыттара. М.А.Петров аатынан нэһилиэк библиотеката 10 саҥа эрэллээх ааҕааччыланна.

 

 

 

Добавить комментарий

Ваш адрес email не будет опубликован. Обязательные поля помечены *