1 Star2 Stars3 Stars4 Stars5 Stars (3 оценок, среднее: 5,00 out of 5)
Загрузка...
47 просмотров

Дьиэ кэргэҥҥэ сөбүлүүр дьарыкпыт-кинигэ ааҕыыта

Алампа аатынан Норуот айымньытын дьиэтэ.
М.А.Петров аатынан библиотека.
Дьиэ-кэргэн сылыгар анаан «Библионочь» акциянан нэһилиэккэ
«Дьиэ кэргэҥҥэ сөбүлүүр дьарыкпыт» диэн түөлбэнэн күрэхтэһии буолан ааста. М.А.Петров аатынан библиотекаҕа 4 түөлбэттэн кыттааччылар команданан күрэхтэстилэр.
Күрэхтэһии түһүмэхтэрэ:
— «Мин билиим-мин баайым» 4-түү эппиэттэн сөптөөх хоруйу таларга 5 ыйытыктарга эппиэттээтилэр.
— Р.А.Кулаковскайга аналлаах кинигэ быыстапкатыттан туһанан 1 сорудахтаах Викторина таайдылар.
— ВидеоАаҕыы дьиэҕэ устан илдьэ кэлэн туттардылар. Манна солун буктрейлердаах Айаал Юмшанов. «Дорога жизни» Ленинград блокадатын туһунан кинигэни оҕолорго ааҕарга сүбэлээбит.Витя «Сардаана» сибэкки кэрэтин арыйар хоһоонун айылҕаҕа күөх нуоҕай мутукча кэрэ көстүүтүгэр олорон аахпыт, сайын кэлбит үөрүүтүн туһунан хоһоону доҕотторугар анаабыт. «Дорога жизни» кинигэни уларсан оҕолоргутугар бииргэ ааҕан кэпсээҥ, өйдөтүҥ.
— дьиэ кэргэнинэн сөбүлүүр кинигэ ис хоһоонун арыйар оҥоһукка Айаал бөрөнү мозаиканан оҥорбутун аҕалбыт.
— «дьиэ кэргэҥҥэ саамай күндү, сэдэх кинигэлэрбит» — выставкаҕа Витя бэйэтэ таптаан ааҕар сахалыы хоһоон-ойуу кинигэтин аҕалан көрдөрдө.
— Пластилинынан остуоруйалартан сөбүлүүр геройдарын көмөлөөннөр оҥордулар.
Сылга биирдэ ыытыллар тэрээһиҥҥэ 4 дьиэ кэргэнтэн:Татаринова Е.И,Акимова Е.Н,Габышева Г.П. көхтөөхтүк бэлэмнэнэн кэлэн кытыннылар.
Кыайыылаах дьиэ кэргэн үрдүк аатын Юмшановтар ыллылар. Атыттар биһирэбил бириистэри, махтал суруктары туттулар.Түөлбэнэн үлэни көрүүгэ сыллааҕы түмүккэ Саар ыаҕас, Боробул, Киин түөлбэлэргэ 10 баалы киллэрэр буоллулар бу кыттыбыт ыаллар. Кинигэни дьиэ кэргэҥҥэ доҕор оҥостубут ыалларга, сиэннэрин-оҕолорун илдьэ кэлэн көхтөөхтүк кыттыбыттарыгар махталбытын тиэрдэбит, бары үтөнү-кэрэни баҕарабыт.Өссө да маннык күрэстэргэ кыттар буолуҥ диэн баҕа санаабытын тиэрдэбит.

  

 

Добавить комментарий

Ваш адрес email не будет опубликован. Обязательные поля помечены *