Дьохсоҕон нэһилиэгэр өссө биир саҥа кинигэ эбилиннэ.

«Олоххо тардыһыы».
Автор Иван Михайлович Бочонин. 92саастаах ытык кырдьаҕас.
Кини СР бочуоттаах бэтэрээнэ,Таатта улууһун уонна Дьохсоҕон нэһилиэктэрин Бочуоттаах гражданина, «За вклад в развитие общественной работы в Таттинском улусе» анал бэлиэлээх, ВДНХ «Мастер золотые руки» бэлиэ хаһаайына, 25 сыл устата нэһилиэк бэтэрээннэрин сэбиэтин салайбыта. 2016с.нэһилиэк «Куорсун» айар түмсүүтүгэр киирэн анабыллары суруйар, өрөспүүбүлүкэтээҕи, улуустааҕы айар күрэстэргэ кыттар, айымньылара бириистээх миэстэлэри ылаллар. Айар үлэтин бастакы хомуурунньуга «Сааскы кэм» диэн брошюра улуустааҕы «Уран тыл оһуордаах хонуута» серияҕа бэчээттэнэн тахсыбыта. Уйбаан айар талаанын уратыта — сценкалары суруйар.Ол курдук Алампаҕа анаабыт «Олоххо тардыһыы» драмата өрөспүүбүлүкэтээҕи күрэскэ 3 миэстэ буолбута.
Бу кинигэҕэ ааҕыаххыт араас тиэмэлэргэ суруллубут хоһооннорун уонна сценкаларын.Ону тэҥэ нэһилиэкпит общ.корреспондена Габышев П.С. 1989с.суруйбут ахтыыта, нэһилиэк бэтэрээннэрин салайааччыта М.Л.Архипов уонна сцена бэтэрээнэ В.П.Харайданова ахтыыларын ааҕыаххыт.
Кинигэни автор олоҕун кэрчиктэрин көрдөрөр араас кэмнэрдээҕи хаартыскалар ситэрэллэр. Бу олус интэриэһинэй саҥа кинигэни библиотекаттан уларсан ааҕыҥ.

Ытыктыыр Уйбааммыт  саҥа кинигэтин Аан дойдутааҕы кырдьаҕастар күннэрин көрсө нэһилиэккэ биһирэмниэхпит, ыччаттар,оҕолор билиилэригэр таһааран биир дойдулаахтарынан киэн туттуохтара.

Биир дойдулааххыт айымньыларын билэ, ааҕа иликтэр билсиһиҥ, ытыктыыр бэтэрээммит айар дьоҕурун сэргээҥ!

Иван Михайлович бэйэтин саҥа кинигэтин И.А.Аргунов аатынан Улуустааҕы киин библиотекаҕа бэлэхтээбит түгэнигэр директор А.К.Билюкина уонна Таатта улууһун «Уран тыл» айар түмсүү салайааччыта С.С.Игнатьеваны кытта үйэлээх өйдөбүнньүк хаартыскаҕа түстүлэр. Саҥа кинигэни элбэх ааҕааччы сэҥээрэн ааҕыахтара.