1 Star2 Stars3 Stars4 Stars5 Stars (4 оценок, среднее: 5,00 out of 5)
Загрузка...
167 просмотров

Торжественный ужин для пожилых.

Аҕам саастаахтар күннэригэр анаан ыытыллыбыт декаданы түмүктүүр күҥҥэ нэһилиэкпит аҕам саастаахтара- пенсионердар
күнүс «Сырал тулааһына» балаҕаҥҥа итии үүттээх чэйдээх, бырааһынньыктыы тардыллыбыт сандалы тула көрүстүлэр.
Нэһилиэкпит Баһылыга В.А.Охотин ытык дьоммутун үөрүүлээх күннэринэн истиҥник эҕэрдэлээн, кытаанах доруобуйаны,этэҥҥэ буолууну, бары үтүөнү баҕарда. Онтон үөрүүлээх чааска наҕараадалары туттарда. ОДьКХ бэтэрээн-салайааччытыгар, нэһилиэккэ уһун сылларга хонуу биригэдьииринэн таһаарыылаахтык үлэлээбит С.Л.Поповка өрөспүүбүлүкэтээҕи ОДьКХ профсоюһун «За вклад в развитии профсоюза» анал бэлиэтин — мэтээли туттарда.Нэһилиэкпит, улууспут, өрөспүүбүлүкэ киэн туттар спортсменката, остуол тенниһигэр кыайтарары билбэтэх бэтэрээн учууталбытыгар Л.И.Саввинаҕа өрөспүүбүлүкэтээҕи 8-ыс дьахталлар спартакиадаларынан сибээстээн ОП РС(Я) бочуотунай грамотатын улуустааҕы дьахтар комитетын салайааччы В.И.Будикина туттарда.Салҕыы «Таатта улууһа» МТ баһылыга А.С.Бурцевтан уонна нэһилиэкдьаһалтатыттан общественнай үлэҕэ көхтөөх Л.К.Власоваҕа, үбүлүөйдээх бэтэрээннэргэ А.П.Кондратьеваҕа, кэргэннии Ф.М,И.Н.Нимарицыннарга,И.Чохиҥҥа, М.Арылаховаҕа, М.Матвееваҕа, Р.Хабытинаҕа,И.Бочониҥҥа бочуотунай грамоталары туттарда.
«Биһиги кэммит — ССРС» диэн бэтэрээннэргэ аналлаах интэриэһинэй Викторинаҕа бары көхтөөхтүк кыттаннар кыайыылаахтарынан буоллулар А.П.Ючюгяева, М.Л.Архипов,С.И.Рожина.
Онтон эҕэрдэлэр, ырыалар, көрдөөх-нардаах оонньуулар, күрэстэр буоллулар. Светлана Климентьевна таптыыр фронтовик-поэтын, биир дойдулааҕа Макар Хара
хоһоонун долгутуулаахтык аахта.
Кыстыкка киириигэ доҕоттору-атастары көрсөр кэтэһиилээх күҥҥэ мустаннар кэпсэтэн-ипсэтэн, урукку кэмнэри ахтан — санаан, үлэһит дьоннору умнубакка, үтүө да күннэр-дьыллар ааспыттара диэн санааларын атастастылар. Үлэ-хамнас өрө күүрүүлээхтик, киэҥ далааһыннаахтык барар этэ диэн. «Ол иһин билигин биһиги көлүөнэ эдэрдэргэ холобур буоламмыт «Манчаары оонньууларын» көрсө үлэлиэҕиҥ-хамсыаҕыҥ»- диэн биир санааҕа кэллилэр.
Бырааһынньыкка кэлэн дуоһуйа сынньанан үөлээннээхтэрин көрсөн сэһэргэһэн, сэргэхсийэн тарҕастылар.

Добавить комментарий

Ваш адрес email не будет опубликован. Обязательные поля помечены *