Россияҕа дьиэ-кэргэн,СӨ оҕо саас сылларыгар аналлаах уонна саха литературата төрүттэммитэ 125с.көрсө «Чолбон өй күрэһэ» || оонньуу улуустарынан онлайн ыытылынна. Күрэс сыала-соруга:
дьиэ кэргэн болҕомтотун саха уус-уран литературатыгар тардыы, ааҕыыны көҕүлээһин, ааҕыыны таптыыр дьону булан түмүү уонна өйөөһүн. Биһиги нэһилиэктэн Светлана Климентьевна, Михаил Лукич Архиповтар уонна Евдокия Николаевна Акимова бу күрэскэ кытыннылар. Бу улахан оонньуу түөрт түһүмэхтэн турар:
1.»Суругунан уус уран литератураны төрүттээччилэр»,
2.»Аҕа дойду улуу сэриитин кэминээҕи литература»,
3.»Репрессияламмыт суруйааччылар»,
4.»Билиҥҥи кэм литературата».
Биирдии түһүмэххэ 10-нуу ыйытыктаах.
Ыйытыктарга сөптөөх эппиэти таларгар үстүү хоруйдаах. Маннык уустуктардаах күрэхтэһиигэ кыттан биһиги дьоммут 24 очкону ыланнар 12 хамаандаттан 5 миэстэҕэ таҕыстылар.
Сыл аайы «Чолбон» сурунаал ыытар күрэһигэр кыттар гына эрдэттэн быһаарынан дьиэ кэргэттэр бэлэмнэниҥ, урукку, саҥа кинигэлэри ааҕыҥ, саха литературатын интэриэһиргээҥ. Бэйэҕитигэр суох литератураны библиотекаттан уларсыҥ.

Оҕону кытта бу күрэскэ кыттар улаханнык биһирэнэр. Биһиэхэ бэйэлэрэ ааҕар буоланнар, ааҕар оҕолордоох ыаллар чаҕыйбакка, куттаммакка маннык интэриэһинэй оонньууга киирсээриҥ. Барыта хаһан эрэ аахпыт чахчыларгытыттан, сөбүлээн аахпыт уус-уран литератураларгытыттан, таптыыр суруйааччыларгыт туһунан бэт дьикти, интэриэһинэй ыйытыктардаах оонньуу.

Быйылгы «Чолбон өй күрэһигэр» кыттыбыт нэһилиэкпит хамаандатыгар Архиповтарга, Е.Н.Акимоваҕа ситиһиилээхтик кыттыбыккытыгар улахан махтал! Кинигэни сөбүлээн ааҕаргытынан, дириҥ билиигитинэн атыттарга куруук холобур буола сылдьыҥ, араас тэрээһиннэргэ көхтөөхтүк кыттаҥҥыт библиотеканы кытта сибээскитин быһымаҥ диэн баҕа санаабын тиэрдэбин.

1 м — Чөркөөхтөн Вырдылиннар 29 балл,
2м — Чымнаайы Прокопьевтар 28б,
3м.- Игидэй Лопатиннар 27б

1.Булун Неустроевтар 18б
2. Таатта Кустуровтар 25б
3. Дая Амма Егорова, Моттуева, Тимофеева 24б
4. Дьохсоҕон Архиповтар 24б
5. Игидэй Лопатиннар 27б
6. Кыйы Матвеевтар 16 б
7. Уолба Даниловтар 21б
8. Хара Алдан Самсоновтар — Крыловтар 25б.
9. Чөркөөх Вырдылиннар 29б.
10. Чымнаайы Прокопьевтар 28б.
11. Чычымах Канаевтар, Богдокумовтар 21б.
12. Ытык Күөл Мохначевскайдар 18б