«30.11.- 02.12.2024 күннэргэ Киргизияҕа Бишкек куоракка мас тардыһыыга 6 Аан дойдутааҕы чемпионат буолбута.Манна 22 араас дойдуттан 200 быыппастар быччыҥнаах, быстыбат систээх, кытаанах иҥиирдээх, дуулаҕа күүстээх спортсменнар аат суол былдьастылар. Россия хамаандатыгар 13 мадьыны, ол иһигэр 9 саха атлеттара кытыннылар.Тааттаттан юниордарга Ытык Күөллээҕи И.Федосеев аатынан оҕо спортивнай оскуолатын иитиллээччитэ, Алампа аатынан оскуола үөрэнээччитэ Айтал Винокуров 80кг. Аан дойду чемпиона үрдүк ааты ылла.Тренерэ П.П.Стрекаловскай»
Таатта хаһыат 48 ньүөмэриттэн.

Айтал кыра кылааска үөрэнэр кэмигэр сайын, эбээтигэр сынньана кэлэ сылдьан, эдьиийин кытта сайыҥҥы «ЛУЧ(лучшее учение-чтение)» кинигэни сөбүлээн ааҕар оҕолор лааҕырдарыгар икки сайын ааҕан-дьарыктанан, оонньоон-күрэхтэһэн сылдьыбыттара. Ол лааҕырга сылдьыбыт оҕо саас кэрэ, умнуллубат түгэннэриттэн фотолары көрүҥ.

Бу Айтал аттыгар турар Слава, кини ханнык да государство столицатын ыйыттахтарына сөпкө этэринэн оҕолору улаханнык сөхтөрөр этэ.Скакалкаҕа күрэхтэһиигэ чемпион.

Айтал  Саҥа  дьылы көрсө «Новогодние игрушки моего детства» диэн эбээтин оҕо сааһын санатар елка оонньуурдарынан эбээтинээн конкурска   кыттыбыттара .

Айталга «Манчаары оонньууларыгар» ситиһиилээхтик кыттарыгар баҕарабыт. Кинигэни ааҕар туһалаах дьарыгыҥ үрдүк билиилэргэ сирдээтин, эксээмэннэргин ситиһиилээхтик туттараҥҥын баҕалаах идэҕэр үөрэнэ киирэргэр баҕарабын.