Саҥа сылбытын уруйдуу көрсөр, *Саҥа дьылынан, саҥа дьолунан* ырыа-тойук аргыстаах бырааһынньыктааҕы кэнсиэр нэһилиэк баһылыга В.А.Охотин истиҥ эҕэрдэтинэн саҕаланна. Кэнсиэри иилээн-саҕалаан ыыттылар Татьяна Дмитриевна Степанова кыыһынаан Сардааналыын.
Нэһилиэкпит уус уран актыбыыстара СӨ култууратын үтүөлээх үлэһиттэрэ көмүс куоластаах Евдокия, Афанасий Поповтар, Людмила Андросова, Виктория Васильева, Петр Васильев. Түмсүүлэр: «Дьохсоҕон бэтиэхэлэрэ», «Эр хоһуун» эр дьон бөлөҕө, «Илгэ» үҥкүү бөлөҕө, ыччаттар, трио ырыа бөлөҕө. Чурапчы Одьулуунуттан күндү ыалдьыппыт 6 кылаас үөрэнээччитэ Алла Кононова имигэс имигэстик үҥкүүлээн дьон сүргэтин көтөхтө. Өксөкүлээх Өлөксөй аатынан агрооскуола оҕолоро (сал. И.И. Жиркова) кыттыыны ыллылар.
ООО «Победа» салайааччыта Гаврил Гаврильевич Винокуров өр сыллаах бэриниилээх үлэтин иһин
Павлов Иван Ивановичка «СӨ тыа хаһаайыстыбатын туйгуна» бэлиэни кытары эҕэрдэ сурук туттарда.
Киирии билиэтинэн БЛЕНДЕРИ Айнура Татаринова сүүйэн ылла. «Муус оҥоһукка» Бастыҥтан бастыҥ Николай Николаевич Карбаканов, «Мооруос оҕонньор хаатыҥкатын» фетрынан тигиитин конкурсугар сэрии сылын оҕото А.К.Жараева барытын илиинэн тигэн бастаата, 2м Людмила Андросова, 3м Туйаара Габышева- Толстоухова кыайыылааҕынан буоллулар.
Үөрүү — көтүү аргыстаах, сүргэни көтөҕөр Саҥа дьыл аптаах бырааһынньыга үөрүүлээхтик ааста.