Тохсунньу 4 күнүгэр, күнүс 2чаастан В.Х.Тарбахов аатынан КСК «Саҥа-дьыл киэһэтэ, биһиэхэ эргиллэн кэллэҕэ» нэһилиэк бары биэнсийэлээхтэригэр үгэс быһыытынан ыытыллар, ытык мааны эбээлэрбитигэр, эһээлэрбитигэр саргылаах саҥа дьыл тосхойдо. Кыһыҥҥы кэмҥэ биир сиргэ олорон чуҥкуйбакка, сылга биирдэ буолар бырааһынньыкка кэлэн мустан сэргэхсийдилэр, үөлээннээхтэрин көрсөннөр, уруккуну-хойуккуну санастылар. Бырааһынньыгы Галина Егоровна Арылахова салайан ыытта, сонун оонньуулары тэрийдэ, ырыа эгэлгэтэ ылланна, ностальгия үҥкүү арааһа үҥкүүлэннэ.
Бырааһынньык нэһилиэкпит баһылыга В.А.Охотин эҕэрдэтинэн саҕаланна, үбүлүөйдээх төрөөбүт күннээхтэри истиҥник эҕэрдэлээтэ. Махтал суруктары, подароктарын туттарда. Кэлбит дьон истиҥ эҕэрдэлэрин, ырыаларын ыллаатылар. Тымныы Мооруос, Хаарчаана саҥа сылынан эҕэрдэлэрин эттилэр.
Ол курдук ыытыллыбыт күрэстэргэ:

«Бастыҥ ОЖЕРЕЛЬЕ»
1м. Анисия Прокопьевна Кондратьева.
2 м. Екатерина Ивановна Татаринова.
3 м.Любовь Иннокентьевна Саввина. Анал бириис ананна Галина Егоровна Арылаховаҕа.

КОРОНА күрэһигэр:
1м. Нь.С.Дуракинова.
2 м. М.И.Кычкина
3 м. Галина Петровна Габышева, Мария Ивановна Попова буоллулар.

«Бастыҥ маскарадтар»
1. М.И. Попова
2. ⁠М.И. Кычкина
3. ⁠С.П.Герасимова
4. ⁠А.П.Ючюгяева
5. ⁠Г.П. Габышева
6. ⁠Нь.С.Дуракинова
7. ⁠С.И.Рожина

Бука бары кыттыбыт, кэлбит үтүө мааны дьоммутугар истиҥ иһирэх махтал! Үөрүү-көтүү аргыстаах, сүргэни көтөҕөр Саҥа дьыл алыптаах бырааһынньыктарынан өссө төгүл эҕэрдэ! Дьоллоох доруобай буолуҥ.