1 Star2 Stars3 Stars4 Stars5 Stars (1 оценок, среднее: 5,00 out of 5)
Загрузка...
62 просмотров

Умнуллубат онус кылаас…

Бүгүн Василий Федотович Гольдеров-Ороһу Уола тохсунньу 16 күнүгэр төрөөбүт күнэ. Кини төрөөбүт дойдута-Үөһээ Бүлүү улууһугар Ороһу нэһилигэ.
А.М.Горькай аатынан Литература институтун иһинэн Үрдүкү литература курстарын бүтэрбитэ.1966cылтан ССРС суруйааччыларын Сойуустарын чилиэнэ. «Эдэр коммунист», «Кыым» хаһыаттар, «Хотугу сулус» сурунаал редакцияларыгар, Өймөкөөн уонна Амма улуустарын оскуолаларыгар үлэлээбитэ.
Бастакы кэпсээнэ «Уолун куолаһа» 1952c.Хотугу сулус сурунаалга бэчээттэммитэ.1959c.«Илгэлээх ардах» диэн кэпсээннэрин хомуурунньуга бэчээттэммитэ. 1962c.кэпсээннэрин иккис хомуурунньуга «Көлүкэчээн» тахсыбыта.

Биһиги библиотекабытыгар баар кинигэлэри фотоҕа көрүҥ,сэҥээрэн уларсан ааҕыҥ.

Үгүс айымньылара нууччалыы тылбаастаммыттара.
Василий Федотович саха тылыгар Чингиз Айтматов «Тэбиэн хараҕа» айымньытын тылбаастаабыта.

Василий Гольдеровтан бары билэр хоһооҥҥутун ааҕыҥ.

Биир дойдулаахпыт профессиональнай музыкант, ырыаһыт Петр Баснаев салайар бөлөҕүн толоруутугар таптыыр ырыаҕытын дуоһуйа истиҥ.

 

Умнуллубат онус кылаас

Күлэн оонньоон, айдаарсан,
Сэмэлэhэн, хайҕаһан,
Күүстээх дьаныар үөрэхтиин
Күрэстэспит күннэрбит —

Умнуллубат онус кылаас,
Таптыыр нарын эдэр саас.
Дьоhун мааны майгылаах,
Дьоҥҥо мэлдьи туhалаах
Yлэ киhитэ буоларга
Баҕарарым туохтан да!

Кынаттаабыт оскуолам
Ыйан биэрбит суолунан,
Кэллим манна совхозпар,
Доҕоттордуун айа, тута.

Василий Гольдеров
«Чолбон» сурунаал

 

 

Добавить комментарий

Ваш адрес email не будет опубликован. Обязательные поля помечены *