Олунньу 28 күнүгэр Таатта улууһугар XXI-с төгүлүн Олоҥхо уонна Саха өрөспүүбүлүкэтин Норуот маастарын күннэригэр аналлаах «Олоҥхо сатабыла» этнокультурнай тэрээһин ыытылынна. Олоҥхо күн айхаллаах алгыһын ыытар СР үөрэҕириитин културатын туйгуна, Петр Васильевич Толстяков аатынан Чөркөөхтөөҕү народнай театрын режиссера Мотрена Яковлева ыытта .Тэрээһин аһыллыытыгар улуустааҕы норуот айымньытын дьиэтин директора Г.Г.Вырдылин, СӨ Олоҥхо Ассоциациятын Тааттатааҕы олоҥхо филиалын бэрэссэдээтэлэ И. А.Сивцева эҕэрдэ тыллары эттилэр.
Үгэскэ кубулуйбут нэһилиэгинэн олоҥхону толоруу дьүүллүүр сүбэтинэн ЮНЕСКО стипендиата, Ийэ олоҥхоһут Петр Егорович Решетников-Көһөҥө Бүөтүр төрөппүт кыыһа, олоҥхону толорооччу, Олоҥхо ыһыаҕын биирдиилээн толорууга хас да төгүллээх кыайыылааҕа, “Дьолуо”фольклорнай ансаамбыл кыттыылааҕа Розалия Докторова, Арктическай государственнай культура уонна искусство институтун норуот айымньытын салаатын преподавателэ, Олоҥхо ыһыаҕын ыччаттарга муҥутуур кыайыылааҕа Марфа Аммосова, Олоҥхо тыйаатырын артыыһа, өрөспүүбүлүкэтээҕи «Олоҥхо дойдутун оҕотобун”, “Муҥха олоҥхото”, “Олоҥхо тойуга” ыччат ортотугар олоҥхону толорооччуларын күрэһин Кылаан кыайыылааҕа Яна Ньургусова сыаналаатылар.
📌 I Үрдэл
«Добун» эр дьон ДЬОХСОҔОН олоҥхоһуттарын бөлөҕө, салайааччы А.Н.Попов. Дьохсоҕоннор биир дойдулаахпыт айылҕаттан айдарыылаах, аатырбыт Олоҥхоһут Дарыбыан Дабыыдап «Тойон Ньургун» олоҥхотун үөрэтэн киэҥ түһүлгэҕэ, үрдүкү дьүүлгэ таһааран чаҕылхайдык толороннор кыайыы кынаттаннылар.
🐠 񃀠II Үрдэл Тыараһа олоҥхоһуттарын бөлөҕө, салайааччы М.Ф.Говорова.
📌 III Үрдэл Уус Таатта олоҥхоһуттарын бөлөҕө, салайааччы А.Н.Багардынов
📌 «Түөлбэ олоҥхотун үйэтитээччилэр» анал ааты Орто Амма
олоҥхоһуттарын бөлөҕө, салайааччы В.А.Парфенова ыллылар.

Давыдов, Илларион Михайлович .
Тойон Ньургун / Саха респ. наукаларын акад. гуманитар. чинчийии ин-та, Респ. «Олоҥхо» ассоц.; [олоҥхоһут И. М. Давыдов-Дарыбыан тылыттан Р. А. Кулаковскай суруйуута ; эппиэттиир ред. П. Н. Дмитриев; Т. А. Степанов, В. С. Карамзин уруһуйдара туттулуннулар]. — Дьокуускай: Бичик, 2003. — 238, [2] с.