Поэт, прозаик, кириитик, тылбаасчыт, эрэдээктэр, кыраайы үөрэтээччи, Саха өрөспүүбүлүкэтин П.А. Ойуунускай аатынан судаарыстыбаннай уонна Казах норуотун «Алаш» литературнай бириэмийэтин лауреаттара, Духуобунас академиятын бочуоттаах академига, сэрии сылын оҕото
Николай Егорович Винокуров-Урсун төрөөбүтэ 80 сылыгар аналлаах П.А.Ойуунускай аатынан литературнай түмэлгэ ыытыллыбыт «Хоһоон хотоҕосторо» биирдиилээн уус уран ааҕыыга ситиһиилээхтик кыттан Акулина Павловнаны 1 миэстэни ылбыккынан, «Иэйиилээх ааҕааччы» анал аатынан наҕараадаламмыккынан истиҥник эҕэрдэлиибит!Баҕарабыт ааҕар дьоҕургунан истээччилэргин үөрдэн, таптыыр сахаҥ суруйааччыларын айымньыларын үйэтитэргэр. Тапталлаах төрөөбүт тылбыт сүөгэйэ- сүмэтэ мустубут хомоҕой хоһооннору ааҕаҥҥын ,ураты иэйиигэ куустаран, айарыҥ -тутарыҥ күүһүрэн иһиэхтин!
Муус устар 15 күнүгэр Правительство дьиэтигэр, Н.Е.Винокуров Урсун сырдык аатын кэриэстиир буолаары турар Литературнай биэчэргэ ыҥырыллаҥҥын, таптыыр поэтыҥ хоһоонун ааҕар чиэскэ тиксибиккинэн ис сүрэхтэн эҕэрдэлиибит! Поэт бу орто дойдуга уол оҕо буолан төрөөн киһи буолан кэскиллэнэр, саха буолан саргыланар баҕатын андаҕайбыт хоһоонун истээччилэргэ итэҕэтиилээхтик тиэрдэргэр баҕарабыт!

«КУОРСУН» айар түмсүү.