Таайбар Сивцев Сүөдэр аҕабыыкка.
төрөөбүтэ 140 сылыгар анабыл.

(2015с.бэс ыйа.Чөркөөх сэлиэнньэтэ)

Силэпсиэптэр,Сиипсэптэр
Сыдьааннара буоламмыт,
Сиэллээх ууһуттан силистээх
Сиипсэп Сүөдэр аҕабыт
Сүдү үөрэхтээх,учуутал,
Сүүс түөрт уон сылыгар,
Сырдык,үтүө аатыгар
Сүгүрүйэн кэллибит…
Саха сирэ сайдарыгар,
Саха дьоно үөрэхтэнэригэр
Сүҥкэн кылаатын киллэрсэн,
Сыралаһан турууласпыт
Сүдү өркөн өйдөөҕө
Саха саарына КИНИ эбит!
Саманнык чулуу дьоннорбут
Сымыйаҕа балыллан
Саастарын үгэнигэр сылдьан
Суорума суолламмыттара
Сүрүкэтин,оо,абатыан!
Дьэ,киинэ түспүт сиригэр,
Дүллүкүтүн алааһыгар
Дьоһун Мэҥэ турдар ханнык
Дьиҥнээх Улуу Киһиэхэ!

В.Харайданова-Эбээ Валя.
Дьохсоҕон.»Куорсун» айар түмсүү.Таатта улууһа.

«Аҕам ийэтин кытта бииргэ төрөөбүт бу,Сивцев Сүөдэр.Миэхэ таай. Адьас хаан аймах. Сивцев Ф.Г.-Сүөдэр аҕабыыт төрөөбүтэ 140с Чөркөөххө ыҥырыллан сырыттыбыт. 2015с,бэс ыйа
СИВЦЕВ Ф Г-Сүөдэр аҕабыыкка таайбар анабыл хоһоонум. Сүөдэр аҕабыыты кытта мин хос эбэм Сивцева Ирина Гаврильевна бииргэ төрөөбүттэр. Бу аҕам ийэтин ийэтэ Өрүүнэ»-диэн ахтыыга суруйбут В.П.Харайданова-эбээВаля.

Уон сыллааҕыта суруллубут анабыл хоһоону,ахтыыны аахтыгыт.

«…Авксентий Егорович Мординов аатынан Тааттатааҕы лицейбыт актовай саалатын олус үчүгэйдик оҥорбуттар, онно икки эркинигэр Саха саарыннарын мэтириэттэрин кэккэлэтэ ыйаабыттар, олохтоохтук оннуларын булбуттар. Дьэ бу, Саха омуга үөрэхтэниитигэр сүдү кылааттаах дьоммут кэккэлэрин Федор Гаврильевич Сивцев — Һүөдэр Аҕабыыт мэтириэтэ бастакынан иилиллэн үтүө миэстэтин булбут.
Оскуола директорыгар, Таатталар бастыҥ үтүө киһибитигэр Изабелла Александровнаҕа Һүөдэр Аҕабыыты үйэтиппитигэр, бар дьонугар эргиппитигэр ис сүрэхпиттэн махтанным. Олус да үчүгэй. Үйэлэргэ үүнэр көлүөнэ ыччат дьоммутугар аата ааттана туруоҕа.
Дьэ, бу курдук үөрүүлээх сонуммун үллэстэбин…
Хаартыскаҕа хаҥастан уҥа олороллор:
1. Федор Гаврильевич Сивцев — Һүөдэр аҕабыыт;
2. Алексей Елисеевич Кулаковскай — Өксөкүлээх Өлөксөй;
3. Анемподист Иванович Софронов — Алампа.
(П.Е.Захаров)