Улуу Кыайыы 80 cылын көрсө 7«б» кылаас үөрэнээччилэрэ классруктарын О.М.Слепцованы кытта «Навигаторы Победы» диэн бырайыактарынан улуус нэһилиэктэригэр баар Кыайыы өйдөбүнньүктэрин историяларын билсэллэр. Ол маршрутунан Дьохсоҕоҥҥо памятниктары кэлэн көрдүлэр.Нэһилиэк бастакы краеведа, Дьохсоҕон нэһилиэгиттэн сэриигэ сылдьыбыт буойуннары бастакынан үйэтиппит кинигэлээх, Аҕа дойду улуу сэриитин кыттыылааҕа М. А.Петров аатынан нэһилиэк библиотекатыгар ыалдьыттаатылар. Оҕолор «Библиотека кып-кыра уонна наһаа баай эбит» диэн сөхтүлэр, советскай кэмнээҕи оҕо кинигэлэрин наһаа сэргээтилэр, сыаналарын, оҥоһуллубут кумааҕыларын кытта ырыттылар. «Ытык Күөл библиотекатыгар суох кинигэлэр бааллар эбит» дииллэр, аныгы оҕо литературатын ымсыырдылар. Онно аны «Тайны якутских фамилий» булан көрдүлэр, үөрүү бөҕө фамилияларын историятын көрөннөр. «Корейцы в Якутии» үс кинигэтэ баарын эмиэ сэргээтилэр, выставкалары сэҥээрэн билистилэр. Көрө илик кинигэлэриттэн, атын библиотекаттан ураты өйдөбүл, билии көрүү эбинэн, сэҥээрэн бардылар, өйдөбүнньүккэ анаан хаартыскаҕа түстүлэр.
Түгэнинэн туһанан Оксана Мировнаҕа махтанабын, бэйэтэ оскуолатааҕы кэмнэргэ аахпыт умнуллубат, өйгө сүрэххэ күндү кинигэлэрдээх библиотекатыгар умнубакка үөрэнээччилэрин кытта ыалдьыттаан ааспыттарыгар.