🚩🚩🚩Дьохсоҕоҥҥо икки күннээх субуотунньук.
Муус устар 30, ыам ыйын 1 күннэригэр Үлэ Эйэ бырааҺынньыгы көрсө дэриэбинэ иҺин, трасса кытыытын ыраастааҺын буолла. Бастакы күн түөлбэлэр олорор, тэрилтэлэр үлэлиир сирдэринэн уопсайа 100чэкэ, иккис күн 170ча киҺи трасса кытыыларын ыраастаатылар.
Техникалаах ыал, тэрилтэ бырысыап тиэниилээх бэлэмнэммит бөхтөрү, быраҕылла сытар мастары тутатына тиэйэн сыбаалкаҕа илдьэн истилэр.
Ыам ыйын 1 күнүгэр сарсыардаттан бырааҺынньыктааҕы музыка ньиргийдэ.
Көхтөөх үлэ быыҺыгар «Победа» ХЭТ биэ этин аҕалбытын повардар улахан чааҥҥа күө-дьаа миин буҺараннар, Семен Лукич фирменнай пловун бэйэтэ астаан сүрдээх минньигэс тотоойу эбиэт буолла. Сынньалаҥ кэмигэр СӨ Үтүөлээх этээччитэ Афанасий Николаевич Попов дьонун түмэ тардан оҺуохайдаан ньиргийдибит. Үлэ — үөрүү, үлэ — дьол диэн манна баар буолла, олохтоохтор күнү быҺа сүргэлэрэ көтөҕүллэн ньиргиэрдээхтик үлэлээтилэр. Түгэнинэн туҺанан трактористарбытыгар Саввин И.С., Заворотнай А.А., Жараев С.Е. (бэйэлэрин техникалара), «Победа» ХЭТ (Винокуров Г.Г.), повардарбытыгар А.И Седалищеваҕа, Е.С Павловаҕа, М.Р Макароваҕа, В.Г. Харайдановаҕа чааһынай бодобуоһун, прицебын уларсыбыт Г.П. Петровка уонна субуотунньукка үлэлээбит бар дьоммутугар барҕа махталбытын тиэрдэбит. Норуот күүҺэ — көмүөл күүҺэ! Өрүү түмсүүлээх буолуоҕуҥ!

Олохтоох дьаҺалта.

Биһиги библиотекабыт таһын төрдүөн ыраастаатыбыт, хомуллубут эргэ маһы,бөҕү дьаһалта икки тракторынан тиэйэн свалкаҕа иттилэр. Онон Күөх Маайы ырааһырдыы үлэнэн көрсөммүт нэһилиэкпит иһинэн ыытыллыбыт субуотунньукка кыттыыны ыллыбыт. Күндү ааҕааччыларбытын ыраас тэлгэһэлээх библиотекаҕа күн аайы сылдьаргытын күүтэбит. Улуу Кыайыы 80сылын үөрүүлээхтик көрсөрбүт 8 хонук хаалла. Эһиэхэ ананан ыытыллар биллэриллибит тэрээһиннэргэ көхтөөхтүк кыттыахтара диэн эрэнэбит.