Михаил Семенович Сивцев  төрөөбүтэ 100 сылыгар,Улуу Кыайыы 80 cылынан Сиэллээх уонна Таатыныскай нэһилиэктэргэ ааҕар балаҕан сэбиэдиссэйинэн үлэлээбитин кэриэстээн М.А.Петров аатынан нэһилиэк библиотекатыгар анабыл бэлиэ суруктаах, саҥа верандаҕа ааҕааччыларга аналлаах ыскамыайканы бэлэхтээтилэр. Оҕолоро,сиэннэрэ,хос сиэннэрэ өйдөбүнньүк бэлэхтэрэ ааҕааччыларга туһалаатын!  Кэрэ бэлэх Аҕа дойду улуу сэриитин кыттыылааҕын Михаил Семенович сырдык аатын ааттата, өйдөтө, саната турдун!

Сүгүрүйэбит,умнубаппыт,кэриэстиибит!

Нэһилиэккэ бастакынан улахан, киэҥ аймах библиотекаҕа болҕомто
уураннар, аҕаларын үйэтитэн умнуллубат, сүппэт бэлэҕи оҥорбуттара олус кэрэхсэбиллээх уонна үтүө үгэскэ кубулуйан батыһааччылара баар буоллунар!