А.К.Андреев аатынан ОДьКХ түмэлин салайааччыта Г.Е.Арылахова улуу Кыайыы 75сылыгар аҕатын, фронтовик-учуутал Е.И.Васильев аатынан тэрийбит «Ааҕар түмэлиттэн» Улуу Кыайыы 80сылын көрсө нэһилиэкпит  бэтэрээннэрин, сэрии кыттыылаахтарын, тыылга кыайыыны уһансыбыт өйбүтүгэр-сүрэхпитигэр күндү дьоннорбут тустарынан матырыйаалларын А.К.Андреев аатынан «Сырал тулааһына» балаҕаҥҥа аҕалан олус үөрүүлээх түгэннэри нэһилиэк олохтоохторугар,үөрэнээччилэргэ бэлэхтээтэ. Кыайыы күнүн иннинэ олохтоохтор манна сылдьаннар чугас дьоннорун туһунан чахчылары көрдүлэр, аахтылар, хос сиэннэргэ билиһиннэрдилэр. Иккис кылаас уонна оскуоланы бүтэрээри сылдьар  үөрэнээччилэргэ  музей матырыйаалларын билиһиннэрэр умнуллубат түгэннэри хаартыскаҕа хатаммытын көрөргүтүгэр. Оҕолор олус сэҥээрдилэр,махтаннылар, интэриэһиргээтилэр.

Георгий Иванович оскуолаҕа учууталынан үлэлээбит тэтэрээттэрэ, методическай матырыйаалларыттан хаартыскалары сэҥээриҥ. Манна бааллар уруоктарын былааннара, үөрэппит оҕолорун үлэлэрэ, оччотооҕу колхоз үлэтиттэн холобурдаан суруйбут дакылааттара,хас да классик суруйааччыларга аналлаах тэтэрээттэрэ. Бу үлэлэр70,80 сыллар устата хараллан сыппыттар, чэрэниилэ ручканан сурунар буолан олус чуолкайдык, кыраһыабай буочарынан суруллубуттара олус кэрэхсэбиллээх.

А.Пушкин аатынан өрөспүүбүлүкэтээҕи библиотека ааҕааччыта буоларын туоһулуур билиэтэ.