«Төрүччү өбүгэ ситимэ, күүһэ, көмүскэлэ»

Дьохсоҕоҥҥо «Дьиэ кэргэн» күнүн көрсө сүрдээх дьоһун тэрээһин иккис сылын ыытылынна.
2024 сыллаахха 18 дьиэ кэргэн бу ааҕыыларга кыттыбыт буоллаҕына, быйылгы тэрээһиммитигэр кыттыы икки төгүл элбээн, 4 саастаах кыттааччыттан 70 саастаахха тиийэ кыттаннар, дьүүллүүр сүбэ улахан үлэни көрсөн, кэтэхтэн киирии үлэлэри эрдэттэн көрөн саҕалаабыта.
Бу тэрээһини А.Е.Кулаковскай-Өксөкүлээх Өлөксөй аатынан Дьохсоҕон орто оскуолата, олохтоох М.А.Петров аатынан нэһилиэк библиотеката проект быһыытынан былырыын саҕалаабыта. Эрдэттэн сыал — сорук туруорунан, былааннаан, ыытыллар үлэ түмүгэ хайаан да тахсыылаах, киэҥ географиялаах, дириҥ ис хоһоонноох, хас биирдии дьиэ кэргэҥҥэ «төрүччү» саҕалааһына баар буолуохтаах диэн торумнаммыт үлэ, элбэх сылларга тутан ылар түмүктээх буоларыгар туһуламмыта.
Хас биирдии ыал төрүттэрин — уустарын удьуордаан, утумнаан алаһа дьиэ тэринэн, өбүгэ сирин тардыытынан, дьиэ — уот оҥостон, оҕо, ыччат кэскиллэнэн, төрөөбүт түөлбэтин, төрүт — уус дьонун олорбут олохторун салгыыр аналынан, өбүгэ ситимин тутан, кинилэр көстүбэт күүстэринэн, көмүскэллэринэн олоҕу олорор, олоҕу салгыыр, кэнчээри ыччатыгар тиэрдэр, удьуордарын салгыыр айылгылаах.
Дьонноох — сэргэлээх, дойдулаах киһи олоххо эппиэтинэһэ күүстээх.
Туох барыта дьиэ кэргэнтэн саҕаланар. Дьиэ кэргэниҥ бөҕө туруктаах буоллаҕына, Эн олоҕуҥ удьуорун утума быстыбат, үйэттэн үйэҕэ салҕанар кэскиллээх буолар.
Онон, бу проект саҕалаабыт үлэтин дьиэ кэргэҥҥэ төрүччүтүн үөрэтиигэ, билиигэ, инникитин да көмөлөөх, махталлаах буолуо диэн эрэнэбит.
Бэҕэһээ ыытыллыбыт тэрээһиҥҥэ 32 ыал төрүччүтүнэн докладынан 14 ыал «Өбүгэм ытык мала» быыстапканан, «Саһарбыт хаартыскаларынан» , «Семейное древо. Родословная моей семьи» 8 кылаас үөрэнээччилэрэ альбом кинигэлэринэн, ыал эбэлэрэ сиэннэрин кытта оҥорбут «Төрүччүм Аал луук маһа» таблицаларынан, оскуола учууталлара кылаастарын оҕолорун, төрөппүттэрин кытта төрүччүгэ үлэлэринэн, ыраах нэһилиэккэ олорор биир дойдулаахтарбыт дойдуларын кытта ситимнэрин быспакка, дьоһун докладтарынан, видеопрезентацияларынан кыттан, тэрээһиммит сүрдээх дьоһуннук ыытылынна.
Быыстапкаларга 17 үйэттэн хараллан кэлбит экспонаттар турдулар.
Тэрээһиммит биир түһүмэҕэ «Кыайыыны уһансыбыт төрүччүм дьоруойа» Кыайыы 80 сылыгар ананан, сэрии, тыыл ветераннарын туһунан дьоһун доклаттары иһиттибит.
Түмүккэ Өбүгэлэрбитин ытыктыаҕыҥ, дьоммутун — сэргэбитин, дойдубутун кытта ситиммитин быспакка, өссө бөҕөргөтөн, сайыннаран, тэнийэн — ууһаан дьоһуннаахтык олоруоҕуҥ. Ол буолар хас биирдии ыал дьоло, кэскиллээх олоҕо, олоҕун ситимэ, тирэҕэ.
«Өбүгэлэриҥ эйигин куруук араҥаччылыыр, күннэтэ көрөр-истэр, иитэр-такайар күүстэр. Өбүгэ күүһэ- кыаҕа кинилэри ытыктыыр, билинэр эрэ киһиэхэ бэриллэр…

Дьохсоҕон нэһилиэгэр Төрүччү Иккис ааҕыыларын түмүгэ.
«Мичил» оҕо уһуйаанын иитиллээччилэригэр:
1 миэстэ-Кира Кириллина
2миэстэ-Аделина Аянитова
3 миэстэ- Виктор,Яна Сивцевтар.
«Кэскиллээх үйэтитээччи» анал аата Илона Жиркова.

Алын сүһүөх үөрэнээччилэригэр
1миэстэ- Саша Попов. Лэпбук.
2 миэстэ Богдан Карбаканов.Доклад
3 миэстэ Айсена Васильева. Төрүччү.

Орто сүһүөх үөрэнээччилэригэр.
1 миэстэ Сарыал Никонов.Доклад
2миэстэАлияна Ючюгяева.Доклад
3 миэстэ Ярослав Лотов.Доклад.

Үрдүкү сүһүөх үөрэнээччилэригэр
1миэстэ Айтал Бабанов.Доклад
2миэстэ Кристина Матвеева.Доклад.

Улахан дьоҥҥо.
Кылаан бириис Захарова (Петрова) В.И.
1 миэстэ Арылахова Г.Е.доклад
2 миэстэ Харайданова В.Г. доклад
3 миэстэ Рахлеева
(Петрова) Е.Ю.,Максим Рахлеев. Видеопрезентация.

Кыттыбыттарга Анал ааттар, туоһу суруктар туттарылыннылар.
Кыайыылаахтарга бириистэри туруордулар:
СП «Дьохсоҕон нэһилиэгэ»
Өксөкүлээх Өлөксөй аатынан орто оскуола.
Алампа аатынан НАДь.
Боробул,Левушка маҕаһыыннар.
Анал бириистэрин анаатылар тэрийээччилэр Т.Л.Попова,Г.Н.Другина.

Кыттааччылары,быыстапкплартан хаартыскалары сэҥээриҥ.

Хаартыскалары салҕыы саҥа пост көр.