Өссө да хаартыскалар ситэри киирбэтилэр.Төрүччү 2 Ааҕыыларыгар сылдьыбыккыт буоллар олус элбэҕи интэриһинэйи, билэ иликкитин билэргит хааллаҕа. Элбэх дьиэ кэргэн историята, нэһилиэк олохтоохторун умнуллубат дьылҕаларын, өлбөт сүппэт мөссүөннэрин кыттааччылар билиһиннэрдилэр. М.П.Васильева мунньар хаартыскаларыгар элбэх биир дойдулаахтаргыт үйэтитиллибиттэр. Маргарита Петровнаҕа анал аат уонна харчынан сертификат туттарылынна. Оскуолаттан саамай көхтөөхтүк үөрэнээччилэрин барыларын кытыннарда Татаринова Тамара Ивановна. Кини оҕолоро бастакы кылааска үөрэнэр кэмнэриттэн икки көлүөнэ төрүччүлэрин билэн саҕалаатылар. Дьиэ кэргэнтэн «Кыайыыны уһансыбыт төрүччүм дьоруойа» тиэмэҕэ Габышев Сулус икки эһэтин уонна дьиэ кэргэн убайын видеоролигынан үйэтиппит. Лэпбук ньыматынан Попов Саша күндү таайдарын туһунан бэйэ оҥоһуута кинигэни оҥорбута бастаата. Кыра кылаас оҕолоругар бу оҥоһук сөптөөх, интэриэһинэй,оҕоҕо өйдөнүмтүө. Бастакы кылаас оҕото Айсена Васильева төрүччүтүн сиһилии көрдөрөн, кэпсээн учууталын, эбээтин олус үөртэ.

Күндү ийэлэргэ, эбээлэргэ оҕолорун сиэннэрин кытта төрүччүлэригэр ситиһиилээхтик үлэлээбиттэригэр махтанабыт. Салҕыы үөрэтиҥ, биир сыаллаах соруктаах кэскиллээх үлэҕит дьиэ кэргэҥҥитин үйэтиттин, сылаас сыһыаны олохтуу турдун. Кыттааччылар үлэлэриттэн сайтка көрдөрүөхпүт.