Ыам ыйын бастакы дохсун ардаҕыттан чэлгийэн күп күөх, сып-сымнаҕас көбүөрдүү тэлгэммит оттоох, ып-ыраас сынньалаҥ пааркабытыгар үөрүүлээх бырааһынньык буолан ааста. Сылын аайы үгэс буолан ыытыллар Библиотека уонна аан дойдутааҕы Оҕо көмүскэлин күннэригэр ыраахтан чугастан оҕо аймах, ийэлэр,эбээлэр эһээлэр үөрэ көтө мустаннар сайыны көрсө бырааһынньыкпыт үрдүк таһымнаахтык ааста.
📖 Аһаҕас ааҕар саалаҕа «Сила книги» акцияҕа кыттан Фронтовик-учуутал үөрэнээччилэригэр 1960 сылларга үөрэппит методикатынан Л.Космодемьянская оҕолорун «Зоя уонна Шура туһунан сэһэниттэн» быһа тардан Г.Е.Арылахова ааҕыытын уонна быһаарыытын сэргэхтик иһиттилэр.
🪬🧿 «Сиэри туому тутуһууга» сүмэлээх сүбэлэри билиһиннэрдэ Алгысчыт В.Г.Харайданова
📚 «Саҥа кинигэлэр» быыстапканы ааҕааччылар сэҥээрэн көрдүлэр.
🌈 «Дьоллоох оҕо саас» түһүлгэтигэр Аан дойдутааҕы оҕо көмүскэлин күнүн көрсө Батут, горка, араас минньигэс астардаах, утахтардаах уонна оонньуур атыылара бырааһынньыкка кэлбиттэргэ үөрүүлэрин үрдэттэ.
🤔 «БиблиоКросс» түргэн викторинаҕа 24 оҕо кыттан Кыайыылааҕынан таҕыста Чурапчыттан каникулугар эбээтигэр, эһээтигэр сынньана кэлбит Айсан Оконешников. Кини кэнниттэн биир эппиэтинэн хаалан иккис миэстэни ылла Дьулуур Васильев. Махтал суругунан, сайыҥҥы каникулга аналлаах оонньуур бириистэри тутаннар кыайыылара бэлиэтэннэ.
⏱️ «ЧиТАЙМер» мүнүүтэҕэ ааҕыыга чемпионатка Кыайыылааҕынан ааттанна Саяна Никонова, кини 277 тылы аахта. Иккис миэстэҕэ таҕыста Вика Попова. Уолаттартан элбэх тылы аахтылар Охотин Айтал уонна Артем Макридин. Түргэнник ааҕыыга барыта 8 оҕо кытынна.Кыайбыт уонна кыттыбыт оҕолор араас оонньуур бириистэри, сакалааттары туттулар.
🎨 «Победа прадеда — моя Победа» КОНКУРС түмүгүнэн 1 миэстэни Т.И.Татаринова оҕолоро 1кылаас уруһуйдьуттара ыланнар Махтал, бириис туттулар. Иккис миэстэ Нь.Н.Тистяхова салайааччылаах иккис кылаас худуоһунньуктара. Эмиэ махтал сурук, бириис туттулар.
📚 «80 книг — 80лет Победы» Акция түмүгүнэн 15 кинигэни ааҕан бастаата Слепцов В.Ф.
🚴‍♂️«Велокросс» кыайыылааҕынан таҕыста Кирилл Комиссаров. Икки хамаанданан көрдөөх сүүрүүлэр буоллулар,элбэх оҕо көхтөөхтүк кыттан ийэ,эбээ,эһээ үөрүүлэрин үксэттилэр

Саамай кырачаан ыалдьыттарга «Түргэн айанньыт» диэн 7,8,9 ыйдаах сыыллар оҕолорго күрэхтэһиигэ кыайыылааҕынан таҕыста Лев Егоров.

Сайыны көрсө оҕолор чуор куоластарынан ыллаан таптыыр ырыаларын, хоһооннорун ыалдьыттарга анаатылар. Саха норуота таптыыр ырыаһыта Эдьиий Марыына ырыатын чаҕылхайдык ыллаан кырачаан Тася Золозная көрөөччүлэри олус үөртэ.

Сайыны көрсө сэргэх тэрээһин көхтөөх түк ааста, кыттыыны ылбыттарга улахан махталбытын тиэрдэбит!Бырааһынньык түгэннэниттэн хаартыскалары көрүҥ.