«Саха Островскайа» — прозаик,олоҥхоһут,поэт,
гражданскай сэрии кыттыылааҕа С.С.Яковлев-Эрилик Эристиин тохсунньу 24 күнүгэр Боотур Уус улууһун (Чурапчы) Чакыр нэһилиэгэр төрөөбүтэ.Гражданскай сэрии кэмигэр-кыһыл бартыһаан.1923с.бэчээттэнэр буолбута.1924с.партия чилиэнэ,1938с.ССРС Суруйааччыларын Сойууһун чилиэнэ.1928с.»Чолбон» сурунаалга «Соһуччу үөрүү» диэн бастакы сэһэнэ бэчээттэммитэ.1931-42сс.Эрилик Эристиин айар үлэтин саамай үгэнэ.»Бассабыык Тиихээн», «Тулаайах Уйбаанчык» поэмаларга революционер-большевик дьылҕатын көрдөрбүтэ.»Революция уолаттара», «Аймалҕан» сэһэннэр атын омук Казахстан уонна Бурятия национальнай геройдарын олохторуттан суруйбута.Суруйааччы 1942с.хараҕынан көрбөт буолар.Бу кэмҥэ «Маарыкчаан ыччаттара» романын бүтэрэр.Бу айымньыта нууччалыы, сахалыы хаста даҕаны бэчээттэммитэ.Саха норуотун киэн туттар суруйааччытын сырдык аатын үйэтитэн:
1.Саха сирин Суруйааччыларын Сойууһа уонна Эрилик Эристиин аатынан сопхуос сыл аайы тыа сирин олоҕун туһунан суруллубут бастыҥ уус-уран айымньыга бэриллэр литературнай бириэмийэни олохтообуттара.
2.Эрилик Эристиин төрөөбүт сиригэр киниэхэ аналлаах Түмэл аһыллыбыта.
3.Дириҥҥэ өйдөбүнньүк туруоруллубута.
4.Чакырга орто оскуола кини үтүө аатын сүгэр.
Эрилик Эристиин бастакы айымньытын «Соһуччу үөрүү» кэпсээнин Саха норуотун бастакы «Аудиокинигэ» каналыгар Эбээ Маайа ааҕыытыгар истиҥ.