«Эн кэрэҕин, поэзия!» диэн ССРС суруйааччыларын Сойууһун чилиэнэ (1997с), СӨ тыа хаһаайыстыбатын Үтүөлээх үлэһитэ поэт В.А.Алексеев төрөөбүтэ 75с.ананан Куйаар ситиминэн ыытыллыбыт хоһоон ааҕыытын күрэһигэр Гран-при үрдүк аатын ылбыт ааҕааччы А.П.Колмогорова — («Куорсун » айар түмсүү, Дьохсоҕон нэһилиэгэ, Таатта улууһа ) видеоааҕыытын сэҥээрэн истиҥ.

«Эн кэрэҕин, поэзия!» — хоһоон күрэҕин түмүгэ
Автор: Татьяна Бодоготова | 13.04.2024
Бу дьыл, кулун тутар 14 күнүттэн муус устар 7 күнүгэр диэри, поэт, Саха Республикатын суруйааччыларын сойууһун чилиэнэ, Саха Республикатын Тыатын хаһаайыстыбатын үтүөлээх үлэһитэ Василий Андреевич Алексеев төрөөбүтэ 75 сылыгар аналлаах “Эн кэрэҕин, поэзия!” куйаар ситимин нөҥүө хоһоон ааҕыытыгар күрэх ыытылынна.
Барыта 28 хоһоон ааҕылынна, 43 киһи кыттыыны ылла.
Гран-при үрдүк аатын Акулина Колмогорова (Дьохсоҕон) ылла.
В. А. Алексеев хоһооннорун ааҕыыга оҕолор:
1-кы миэстэ — Афанасьева Санаайа – 3-с кылаас (Чөркөөх);
2-с миэстэ – Арылхан Слепцов – 3-с кылаас (Чөркөөх);
3-с миэстэ- Саша Яковлев – 3-с кылаас (Чөркөөх).
В. А. Алексеев хоһооннорун ааҕыыга улахан дьон:
1-кы миэстэ — Лукачевская Матрена (Чөркөөх);
2-с миэстэ – Васильева Мария — Кырыкый (Үөһээ Бүлүү);
3-с миэстэ – Егорова Мария (Дэбдиргэ).
Бэйэ хоһоон айыытыгар:
1-кы миэстэ – Решетникова Варвара –Талбаана (Чөркөөх);
2-с миэстэ – Пинигина Валентина – Арылы (Дьохсоҕон);
3- с миэстэ — Филатова Елена – Сыгыйык (Чөркөөх).
Бөлөҕүнэн ааҕыы- оҕолорго.
1-кы миэстэ- 4 кылаас “Сайдыс” бөлөх (Чөркөөх);
2-с миэстэ – 3 кылаас (Чөркөөх);
3-с миэстэ- “ Умсулҕан” оҕо бөлөҕө (Таатта лиссиэйэ, 7 “б” кылаас).
Хайҕал суругунан наҕараадаланнылар:
Айтал Гуляев – 8 кылаас (Чөркөөх);
Ан Валера – Кырыкый (Үөһээ-Бүлүү);
Клавдий Малычехаров – Кырыкый (Үөһээ Бүлүү);
“Умсулҕан” –улахан дьон бөлөҕө (Ытык- Күөл).
Анал бириис – В. А. Алексеев сиэнигэр – Николаев Максим (3 кылаас, Дьокуускай куорат).
Маны таһынан бары кыттааччыларга туоһу суруктар туттарыллыахтара.
Кыайыылаахтары наҕараадалааһын муус устар 16 күнүгэр Чөркөөх орто оскуолатыгар күнүс 3 чааска В. А. Алексеевка аналлаах ахтыы күнүгэр ыытыллыа.

Акулина Колмогорова айбыт хоһооно

Дойдум, Тааттам

Тиийбит киһи дойдубар,
Талыы-талба Тааттабар,
Таалар күөх хонуугар
Таалалаахтаан атаахтыы.

Оҕом кэллэ диэн таптыы
Эн миигин көрсүөҥ үөрэ,
Ахтылҕаҥҥын биллэрэ
Сиккиэр тыалынан кууһа.

Үөрбүккүн көрдөрөөрү
Үрэҕиҥ дьиримниэҕэ,
Алгыскын тиэрдээри
Чараҥыҥ суугунуоҕа.

Ааспат-сүппэт ыарыынан,
Тапталынан хардарсан,
Төбөбүн төҥкөтүөҕүм
Сылаас иэйии хам кууһан.

Олох ытылҕаныттан
Кэлэрэ сэдэхсийбит,
Быыралаабыт кыыскыттан
Хомойор буолаайаҕын.

Ааккын куруук хатылаан,
Ииппит сиэргин кэспэккэ,
Биэрбиккин хаалларбакка,
Сылдьыам куруук сырдыкка.

Тиэртэрбин ньии,дьоннорбор
Иҥэрбит иэйиигинэн
Сүүрүгүҥ тойугуттан,
Эн күүстээх дьулуургуттан.